Вы тут

Вялікі тэатр Беларусі аб’явіў конкурс напярэдадні свайго дня нараджэння


Напярэдадні свайго дня нараджэння Вялікі тэатр Беларусі абвясціў конкурс, дзякуючы якому 15 чалавек змогуць правесці суботні дзень 25 мая ў тэатры. Пра гэта расказалі ва ўстанове культуры.


Удзельнікі павінны даслаць на адрас parter@bolshoibelarus.by фота набытых квіткоў у Вялікі тэатр, які яны плануюць наведаць з канца мая і цягам чэрвеня (колькасць квіткоў не абмежаваная). Да ліста трэба прымацаваць фатаграфію або відэа (спасылку на відэа), у якіх выяўленыя развагі з нагоды таго, чым тэатр з’яўляецца і што значыць для канкрэтнага ўдзельніка.

З дасланых фота і відэа тэатр абярэ 15 пераможцаў, пра што паведаміць вечарам 23 мая. Іх імёны будуць абвешчаныя на афіцыйным сайце і ў сацыяльных сетках Тэатра.

У суботу можна будзе пабываць на экскурсіі па закуліссі, убачыць рэпетыцыі балета, прыняць удзел у майстар-класе па оперным спевах, пагаварыць з любімымі артыстамі і ўзяць у іх аўтограф, пачуць таленавітых музыкантаў на імправізаваным канцэрце і зрабіць незабыўныя здымкі.

25 мая тэатр адзначыць 91-годдзе. Дзяржаўны тэатр оперы і балета адкрыўся операй «Кармэн» 25 мая 1933 года, ролю галоўнай гераіні выканала вялікая беларуская спявачка Ларыса Александроўская. Са з’яўленнем Тэатра Беларусь здабыла цэнтр высокапрафесійнай музычна-драматычнай творчасці і выканальніцкага мастацтва, далучылася да еўрапейскай опернай спадчыны, увайшла ў сусветны культурны працэс.

Прэв’ю: БелТА

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».