Вы тут

Сацыякультурны тэлеканал працягвае знаёміць сваю аўдыторыю з беларускім кінематографам


Сацыякультурны тэлеканал працягвае  знаёміць сваю аўдыторыю са скарбніцай беларускага кінематографа і ўспамінаць  выдатных майстроў. Так, на наступным тыдні  тут у дзённым і вячэрнім эфіры  нас зноў чакае шэраг цікавых кінагісторый.


Фота з адкрытых крыніц

У панядзелак 20 мая глядзіце ў эфіры «Беларусь 3» дакументальны фільм «Мой тата — Юрый Цвяткоў» (БТРК, 2014 г.). Кінастужка знаёміць гледачоў з майстрам кіно, які заўсёды працаваў і жыў дзеля гэтага мастацтва. «Тэатральныя гісторыі Нясвіжа» (БТРК, 2023 г.) усе ахвотныя змогуць даведацца ў аўторак 21 мая. А ў сераду 22 мая не прапусціце кінастужку «Сын пра бацьку» (БТРК, 2019 г.), дзе Ігар Алоўнікаў распавядае пра бацьку Уладзіміра Алоўнікава. Пасля 23 мая нас чакае дакументальны фільм «Імправізацыя» (2022 г.), прысвечаны памяці Міхаіла Фінберга. У пятніцу 24 мая запланаваны паказ дакументальнай кінастужкі «Адзінка гарэння. Анатоль Аўруцін» (2023 г.). «Можна навучыць таму, што ўяўляе сабой памер, форма ці пакрытыкаваць чалавека за дрэнную рыфму — гэта ўсё рамяство. А вось бачанне, уменне адчуваць, пакутаваць — калі ў цябе гэтага няма ад Бога, то і не будзе нічога...» — дзеліцца паэт Анатоль Аўруцін. Больш яго разважанняў пра жыццё, творчасць і час нас чакае ў кадры.

Яшчэ на наступным тыдні ў эфіры сацыякуьтурнага тэлеканала згадаюць вядомых кінамайстроў у іх дзень нараджэння. Напрыклад, 21 мая кінематаграфічны свет адзначыць 75-годдзе актрысы тэатра і кіно, народнай артысткі Расіі Любові Палішчук (1949–2006). І ў эфіры тэлеканала «Беларусь 3» пакажуць мастацкі фільм «Кадрыля» (Расія, 1999 г.), у якім артыстка знялася ў галоўнай ролі. А 22 мая, у дзень 80-годдзя беларускага рэжысёра-аператара, сцэнарыста дакументальнага кіно Юрыя Гарулёва (1944—2021) яму будзе прысвечаны выпуск праекта «Люблю і памятаю» (БТРК, 2024 г.).

Алена ДРАПКО

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».