Вы тут

Хвалюючыя пытанні жыхары Гомельшчыне адрасавалі Івану Крупко


Старшыня Гомельскага аблвыканкама Іван Крупко разгледзеў звароты жыхароў рэгіёна на прамой тэлефоннай лініі ў Петрыкаве. 


Пытанне, якое хвалюе аўтааматараў усяго раёна, агучыў жыхар Муляраўкі. Вясковец распавёў, што ўладальнікі аўтамабіляў занепакоены закрыццём адзінай ў раёне дыягнастычнай станцыі. СТА працуе ў раёне больш 10 гадоў, але ўжо восенню спыніць сваю работу. У такім выпадку, каб прайсці тэхагляд, людзям давядзецца ехаць у суседнія раёны. 

Старшыня Петрыкаўскага райвыканкама Аляксандр Кохан пацвердзіў, што кіраўніцтва Белдзяржтэхагляду ўжо праінфармавала аб запланаваным закрыцці аб’екта ў лістападзе бягучага года. 

— Станцыя тэхагляду ў раёне адзіная і магчымасць праходзіць тэхагляд на месцы вельмі важная не толькі для ўладальнікаў прыватнага транспарту, але і для арганізацый і прадпрыемстваў раёна, — зазначыў кіраўнік раёна.

Іван Крупко ўзяў пытанне, якая хвалюе жыхароў Петрыкаўшчыны, на асабісты кантроль. Губернатар абазначыў варыянты рашэння сітуацыі. 

— Раён не павінен заставацца без станцыі тэхаагляду. Альбо захаваем дыягнастычную станцыю ў пасёлку, альбо створым аб’ект на базе іншага прадпрыемства. Мы гатовыя разгледзець магчымасць рэалізацыі інвестпраекту — гэта будзе добры выхад з сітуацыі. У Калінкавічы і Жыткавічы адназначна ездзіць не будзеце, — запэўніў жыхара Муляраўкі, які адрасаваў зварот, і ўсіх аўтааматараў раёна Іван Крупко.

Да губернатара з просьбай аб дапамозе звярнулася таксама сям’я з Рэчыцкага раёна. Некалькі гадоў таму ў вёсцы Броннае яны атрымалі зямельны ўчастак, пабудавалі дом. Але вяскоўцаў хвалюе дарожная праблема.

— Звярталіся ў розныя службы, — распавяла сям’я. — Прагрэйдзіравалі, але гэтага недастаткова. Пасля дажджоў дарогу размывае. Абяцалі ўнесці нашу вёску ў план на гэты год.

Як запэўніў Іван Крупко, гэта пытанне будзе абавязкова вывучана. Аб прынятым рашэнні заяўнікам паведамяць дадаткова. 

Ад імя жыхароў Петрыкаўскага раёна перадала асабістую падзяку старшыні аблвыканкама пенсіянерка з райцэнтра. Жанчына распавяла кіраўніку рэгіёна, як людзі ўдзячны за адкрыццё кабінета камп’ютарнай тамаграфіі.

— Вельмі зручна, што цяпер мы можам праходзіць абследаванне ў сваім горадзе, — падкрэсліла пенсіянерка. 

Як адзначыў губернатар, новы аб’ект — сапраўды доўгачаканы ў раёне. Адкрыццё кабінета камп’ютарнай тамаграфіі, па меркаванні Івана Крупко, — выдатны прыклад узаемадзеяння органаў выканаўчай улады, сістэмы аховы здароўя і буйных прадпрыемстваў: абсталяваць новы сацыяльна значны аб’ект дапамагло Петрыкаўскае рудаўпраўленне ААТ «Беларуськалій». 

Наталля КАПРЫЛЕНКА

Фота газеты «Петрыкаўскія навіны»

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».