Вы тут

Лукашэнка адзначыў асаблівую ролю друкаванай прэсы ў век высокіх тэхналогій і постпраўды


Прэзідэнт Беларусі Аляксандр Лукашэнка павіншаваў работнікаў друку з прафесійным святам – Днём друку. Пра гэта паведамілі ў прэс-службе кіраўніка дзяржавы.


Фота БелТА

«Свята падкрэслівае асаблівую ролю друкаванага слова як аўтарытэтнага дарадчыка і суразмоўца, які фарміруе кругагляд і мысленне чалавека ў велізарнай колькасці інфармацыі. Ваша праца — люстэрка нашага жыцця, якое дае магчымасць у інфармацыйнай разнастайнасці разгледзець і зразумець сутнасць таго, што адбываецца. Гэта патрабуе ад прэсы якаснага аналізу падзей, аператыўнасці, дакладнасці ацэнак, а таксама цвёрдай патрыятычнай пазіцыі. У век высокіх тэхналогій і постпраўды вы адным сваім словам, пранікаючы ў розумы, сэрцы і душы мільёнаў людзей, можаце парадаваць або засмуціць, усяліць надзею і ўпэўненасць, папярэдзіць аб небяспецы. Прыцягваючы ўвагу да актуальных тэм, дапамагаеце вырашаць злабадзённыя пытанні», — гаворыцца ў віншаванні.

Аляксандр Лукашэнка пажадаў усім ветэранам і работнікам галіны здароўя, шчасця і дабрабыту, цікавых творчых задач і іх паспяховай рэалізацыі. «Няхай кожны радок, напісаны вамі, садзейнічае развіццю беларускага грамадства і дапамагае нам процістаяць выклікам новага часу», — выказаў пажаданні Прэзідэнт.

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.