Вы тут

Кубракоў: Мы свята шануем памяць пра подзвіг міліцыянераў у гады Вялікай Айчыннай вайны


Сучасныя прадстаўнікі органаў унутраных спраў свята шануюць памяць аб подзвігу міліцыянераў у гады Вялікай Айчыннай вайны. Такое меркаванне выказаў міністр унутраных спраў Іван Кубракоў падчас урачыстага мерапрыемства «Героям пераможнага мая!», якое прайшло ў мемарыяльным комплексе «Батальён міліцыі пад камандаваннем Канстанціна Уладзімірава» ў вёсцы Гаі Магілёўскага раёна, перадае БелТА.


Фота БелТА

Урачыстае мерапрыемства адбылося напярэдадні Дня Перамогі і прымеркавана да 80-годдзя вызвалення Беларусі ад нямецка-фашысцкіх захопнікаў. Звяртаючыся да ўдзельнікаў мерапрыемства, Іван Кубракоў падкрэсліў, што Дзень Перамогі – гэта свята для кожнага беларуса. «Органы ўнутраных спраў – гэта тое ведамства, якое сёння стаіць на баявой пасадзе, абараняючы мір і спакой у нашай краіне. Таму сюды, да помніка легендарнага батальёна Уладзімірава, прыехалі супрацоўнікі органаў унутраных спраў з усіх куткоў нашай рэспублікі, абсалютна з кожнага абласнога цэнтра, кожнага УУС. Па дарозе кожная дэлегацыя спынялася каля помнікаў і ўскладала кветкі да магіл невядомага салдата, помнікаў партызан і тых герояў, якія загінулі, абараняючы нашу Радзіму, — сказаў ён. — Мы традыцыйна прыязджаем напярэдадні 9 мая менавіта сюды, пад Магілёў, у вёску Гаі, для таго каб ушанаваць памяць нашых калегаў, якія ў далёкім 1941 годзе абаранялі горад Магілёў. 250 байцоў стаялі да смерці. Кожны з іх выдатна разумеў, што сілы няроўныя і, хутчэй за ўсё, ім давядзецца памерці, але яны не прапусцяць ворага да горада Магілёва».

Кіраўнік МУС яшчэ раз звярнуў увагу на асобу легендарнага капітана зводнага батальёна, які на момант страшных падзей у 1941 годзе быў у званні лейтэнанта. «Званне капітана яму было прысвоена ўжо пасмяротна. Калі пачалася вайна, літаральна за некалькі дзён быў сфарміраваны зводны атрад міліцыі пад камандаваннем Уладзімірава. Уявіце, людзі зусім з розных падраздзяленняў, але менавіта ён здолеў з’яднаць асабісты склад, стаць для іх прыкладам, і людзі былі гатовыя за свайго камандзіра памерці. Гэта дарагога каштуе», — адзначыў ён.

Знакавым момантам для прысутных прадстаўнікоў органаў унутраных спраў і іх блізкіх стала прысваенне званняў капітана супрацоўнікам МУС, якія датэрмінова вызначыліся ў службе. «Гэта ўжо нават не традыцыя, а даніна памяці. Даніну памяці сапраўднаму камандзіру, які здолеў згуртаваць за сваімі плячыма свой асабісты склад. Легендарны камандзір загінуў, але яны засталіся верныя сваёй прысязе да канца», — падкрэсліў Іван Кубракоў.

Павітаў прысутных і старшыня Магілёўскага аблвыканкама Анатоль Ісачанка. «Мы схіляем галаву перад памяццю тых, хто аддаў для перамогі самае дарагое — сваё жыццё. У нашага народа гераічная спадчына. Захаваць пра яго праўду, перадаючы яе будучым пакаленням, — святы абавязак кожнага жыхара Беларусі. Нам усім, асабліва моладзі, як ніколі патрэбна праўда і памяць аб той далёкай вайне, аб пакаленні людзей, якія сумленна і да канца выканалі свой абавязак, абараняючы нашу Радзіму. Я хачу выказаць падзяку супрацоўнікам Міністэрства ўнутраных спраў і асабіста міністру Івану Кубракову за важную і вельмі патрэбную справу, якую вы робіце, — за захаванне гістарычнай памяці, за выхаванне пачуцця абавязку супрацоўнікаў на прыкладах гераізму і самаадданасці нашага народа. Перакананы, што цяперашнія супрацоўнікі органаў унутраных спраў, нашчадкі воінаў-пераможцаў, гатовыя па першым клічы стаць на абарону сваёй зямлі, захаваць мір і спакой, — сказаў ён. — Мы абяцаем заўсёды памятаць пра гераізм і подзвіг савецкага салдата, які перамог фашызм. Помніць аб ахвярах сярод мірнага насельніцтва. Памятаць пра ўсіх, дзякуючы каму мы маем магчымасць будаваць незалежную і суверэнную Беларусь. І стоячы на гэтай святой зямлі, разумееш, якое гэта вялікае шчасце – жыць і працаваць у мірнай і спакойнай краіне».

Сёння каля мемарыяльнага комплексу ў Магілёўскім раёне сабраліся тысячы гасцей: прадстаўнікі органаў унутраных спраў і ўнутраных войскаў з усіх куткоў Беларусі, іх родныя і блізкія, члены працоўных калектываў Магілёва, жыхары горада і бліжэйшых населеных пунктаў. Яны ўшанавалі памяць загінуўшых у гады Вялікай Айчыннай вайны міліцыянераў, а пасля змаглі наведаць тэматычныя лакацыі, выставу рэтра — і дзеючых аўтамабіляў ДАІ і палявую кухню. Яркім фінальным акордам свята стаў творчы канцэрт з удзелам зорак беларускай эстрады.

Выбар рэдакцыі

Культура

Стасся Корсак: «Заставайцеся індывідуальнымі»

Стасся Корсак: «Заставайцеся індывідуальнымі»

Юная артыстка, якая арганічна падае сябе ў розных вобразах і жанрах. 

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.