Вы тут

Унікальныя архітэктурныя аб’екты прадставілі ў Нацыянальным цэнтры сучасных мастацтваў


Для тых, хто цікавіцца і захапляецца дойлідствам, у Нацыянальным цэнтры сучасных мастацтваў адкрылася выстаўка «Ствараць будучыню, зберагаць мінулае», арганізаваная сумесна з кампаніяй VSD.


У экспазіцыі — унікальныя архітэктурныя аб’екты сусветнага маштабу, сярод якіх «Нацыянальны музей Катара», «Музей калекцыі Мяніл» і іншыя. Акрамя гэтага, прадстаўлены аўтарскія праекты, рэалізаваныя VSD у розных гарадах свету. Кампанія пачала сваю гісторыю з 1994 года з невялічкага цэха. Галоўнай перавагай прадпрыемства стала якасць дэталей і іх дызайн. У 2005 годзе кампанія VSD упершыню паўдзельнічала ў міжнароднай выстаўцы «Аўтакомплекс-1998» у Маскве, што дазволіла пашырыць вытворчасць і выйсці на новыя рынкі. Сёння супрацоўнікамі і кліентамі прадпрыемства з’яўляюцца такія вядомыя канцэрны, як «Лукойл», «Роснефть», «Татнефть», «Газпром нефть», «Белоруснефть», «Gas Energy», «Compass» і іншыя. Аднак у вытворчым партфоліа кампаніі, акрамя архітэктурных аб’ектаў для вядучых міжнародных фірм, ёсць і грамадскія пабудовы.

Мост праз раку Ясіль (Астана) — арыгінальнае збудаванне са складанай канцэпцыяй. Дызайн распрацаваны архітэктарам Асхатам Садуавым, які заклаў у аснову сімвал Атыраўскай вобласці —асятра. Менавіта сілуэт і выгіб гэтай рыбы стаў галоўнай крыніцай натхнення для моста праз раку Ясіль. Збоку дэкаратыўная абалонка нагадвае луску асятра, а ўнутры, дзякуючы гульні святла з ценем, стварае незвычайны ўзор. Сама пабудова складацца з 15 000 элементаў, кожны з якіх не мае паўтарэнняў. На заводзе VSD дэталі вырабляліся з дапамогай рабатызаваных цэнтраў. Макет элементаў прадстаўлены ў экспазіцыі ў міні-фармаце.

Яшчэ адзін праект кампаніі — «Купал над Цытадэллю» (Туркестан) — працуе як ахоўнае збудаванне для аб’екта Сусветнай спадчыны ЮНЕСКА. З-за складаных умоў надвор’я перад архітэктарамі стаяла задача спраектаваць лёгкую і устойлівую канструкцыю, якая зможа вытрамаць уласную вагу, вецер і нават землятрусы. Для купала было выраблена 30 000 элементаў, з якіх большая частка ўнікальныя. Работы праводзіліся над гістарычнымі раскопкамі, што патрабавала выдатнай інжынернай падрыхтоўкі. Таму пры будаўніцтве была сфарміравана каманда са спецыялістаў з Беларусі, Расіі, Казахстана, Узбекістана і Турцыі. Тэмпература часта дасягала 45 градусаў, з-за чаго награваліся металаканструкцыі і ўскладняўся працэс. На выстаўцы прадстаўлены фотаздымкі купала падчас усталявання, а таксама макет адной з канструкцый.

Праект кампаніі VSD існуе і ў Мінску. Фітнес-клуб прэміум-класа World Class адкрыўся ў 2020 годзе на праспекце Дзяржынскага. Архітэктар Аляксей Шышко паставіў перад сабой задачу захаваць традыцыі беларускага дома і прыўнесці ў яго сучасныя тэхналогіі. Гэты праект — адзін з першых у Беларусі, выкапаны з дапамогай некалькіх новых падыходаў будавання. Ландшафтны рэльеф у выглядзе невялікага ўзвышша выгадна абыграны аб’ёмамі фітнес-клуба. Асноўнымі матэрыяламі сталі цэгла, шкло і фальц. World Class быў намініраваны на званне найлепшага сучаснага фітнес-клуба ў краіне.

Таксама ў экспазіцыі прадстаўлены макеты, чарцяжы і фотаздымкі ўнікальных архітэктурных аб’ектаў — Нацыянальны музей Катара і Музей калекцыі Меніл.

Галоўным архітэктарам Нацыянальнага музея з’яўляецца Жан Нувель. У аснову свайго праекта аўтар заклаў вобраз «ружы пустыні»: крышталічныя формы, падобныя на мініяцюрныя ахітэктурныя аб’екты, якія ўзнікаюць з-пад зямлі пад уплывам ветру, салёнай вады і пяску. Свой выбар Жан Нувель тлучыць так: «Катар мае глыбокую сувяь з пустыняй, з яе флорай, яе качавым народам, з яе даўнімі традыцыямі. Каб аб’яднаць гэтыя кантрасты, мне быў патрэбен сімвалічны элемент. Я спыніўся на „ружы пустыні“ і пераасэнсаваў яе ў іншым маштабе». На выстаўцы можна ўбачыць саму «ружу пустыні», якая натхняла архітэктара, а таксама пазнаёміцца з гісторыяй стварэння Нацыянальнага музея Катара.

Музей калекцыі Меніл, які спраектавалі архітэктары Рэнца П’яна і Рычард Фітцджэральд, быў адкрыты ў 1986 годзе ў Х’юстане (ЗША). Заказчыкі Дамінік дэ Меніл і яе муж Джон дэ Меніл былі вядомымі людзьмі ў мастацкай сферы Х’юстана. Яны хацелі стварыць месца, дзе жыхары горада маглі б збірацца разам і атрымліваць асалоду ад самых значных калекцый афрыканскага і сучаснага сюррэалістычнага мастацтва.

Экспазіцыя зацікавіць аматараў архітэктуры, студэнтаў і выкладчыкаў факультэтаў дызайну жылых і грамадскіх пабудоў.

Выстаўка працуе да 26 мая.

Лізавета КРУПЯНЬКОВА

Фота аўтара

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.