Вы тут

Актывісткі БСЖ аказваюць падтрымку Цэнтру дапамогі бяздомным жывёлам «Даліна трох кітоў»


Актывісткі пярвічнай арганізацыі Беларускага саюза жанчын Белтэлерадыёкампаніі не засталіся абыякавымі да бяды братоў нашых меншых і на працягу некалькіх месяцаў аказваюць па меры сіл падтрымку Цэнтру дапамогі бяздомным жывёлам «Даліна трох кітоў».


Гэты цэнтр размяшчаецца ў Дзяржынску і існуе крыху больш за год. Там невялікая каманда валанцёраў і неабыякавыя людзі сваімі сіламі добраўпарадкоўваюць тэрыторыю, знаходзяць матэрыялы, будуюць будкі і вальеры для жывёл. Так, «Даліна трох кітоў» ужо стала домам для коней і больш як 60 сабак, многіх з якіх проста ўратавалі са стыхійніка ў Мар'інай Горцы. А цяпер палова кудлатых хвосцікаў знайшла сабе прытулак на тэрыторыі цэнтра, а іншыя знаходзяцца на ператрымцы.

Як і большасць акцый Беларускага саюза жанчын, гэтая ініцыятыва пачала рэалізоўвацца пасля слоў «давайце дапаможам». «У нас ёсць актывіст Таццяна Раговіч, якая неяк пабывала ў «Даліне трох кітоў» і пасля запрапанавала нашым дзяўчатам зрабіць добрую справу, — дзеліцца старшыня пярвічнай арганізацыі БСЖ Белтэлерадыёкампаніі Алеся Высоцкая. — Мы паглядзелі, чым можам дапамагчы жывёлам, і вырашылі, што будзем рэгулярна адпраўляць харчовыя траншы. Так, збіраем корм для сабак і коней, якія ўтрымліваюцца ў цэнтры дапамогі, і адпраўляем усё жывёлам».

Трэба адзначыць, што жанчыны знайшлі і іншыя варыянты дапамогі братам меншым. Яны звярнуліся ў мясцовыя сельскія гаспадаркі, і там таксама падтрымалі іх ідэю дапамагаць. У хуткім часе ў «Даліну трох кітоў» прывезлі некалькі цюкоў саломы. Яшчэ жанчыны ездзяць у цэнтр, каб правесці час з жывёламі і напоўніцца там станоўчымі эмоцыямі. Вядома, дапамагаюць чатырохногім сябрам і з пошукамі новых сем'яў, расказваючы пра іх месцазнаходжанне вялікай аўдыторыі. Гадаванцы рэгулярна становяцца героямі рубрыкі «Дарога дадому» ранішняга шоу «Добрай раніцы, Беларусь!» на тэлеканале «Беларусь 1».

А да пошуку новай сям'і ў цэнтры ставяцца вельмі сур'ёзна, бо надта важна, каб гадаванцы траплялі ў добрыя рукі і больш ніколі не апыналіся на вуліцы. Таму валанцёры заўсёды сочаць за лёсамі сваіх падапечных і падтрымліваюць людзей, якія адважваюцца ўзяць сабе жывёлу. Як дзеліцца дырэктар «Даліны трох кітоў», за апошні год каля 30 сабак знайшлі сабе новы дом. І тое ўсяляе веру, што і астатнім аднойчы пашчасціць сустрэць свайго гаспадара.

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.