Вы тут

Сезон-2024 адкрылі на Дзіцячай чыгунцы


Дзіцячая чыгунка імя К. С. Заслонава 1 мая адкрыла 69-ы сезон летніх перавозак.


Пачалося мерапрыемства з урачыстай лінейкі, на якой навучэнцы гуртка «Юны чыгуначнік» другога года навучання афіцыйна ўступілі ў рады юных чыгуначнікаў і атрымалі нагрудны знак.

— Гэта асаблівы для нас дзень, бо перад намі адкрываецца магчымасць не толькі даць займальнае падарожжа нашым маленькім пасажырам, але і даць магчымасць нашым юным чыгуначнікам прымяніць свае веды і таленты ў працэсе кіравання Чыгуначным транспартам, — адзначыў начальнік Дзіцячай чыгункі Максім Маркаў.

Таксама ён дадаў, што важна разумець тое, што кожная паездка гэта не толькі вясёлая прыгода, але і адказнасць.

— Наша задача не толькі забяспечыць камфорт і задавальненне ад паездак, але і гарантаваць іх бяспеку. Мы імкнемся даць нашым выхаванцам магчымасць набыць каштоўны вопыт, навучыцца працаваць у камандзе, прымаць адказныя рашэнні і гарантаваць бяспеку руху цягнікоў, — падсумаваў Максім Маркаў.

У першы рэйс гэтага сезона на «Сталічным экспрэсе» адправіліся у шлях чыгуначнікі першага года навучання. Іх чакала падарожжа па маршруце ад станцыі Заслонава праз станцыю Піянерская да станцыі Сасновы Бор і назад.

Лізавета ГОЛАД

фота аўтара

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».