Вы тут

Надвор'е: Трохі туману, але сонечна і цёпла


Апошнія дні красавіка і старт мая прынясуць нам сухое і сонечнае надвор’е з тэмпературным фонам да 26 градусаў, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота: pexels.com

Чыстае неба чакаецца ўжо ў аўторак. Тэмпература паветра ўначы будзе ў межах ад плюс 3 градусаў па ўсходзе да плюс 14 градусаў па захадзе, а днём — ад 19 градусаў да 25 цяпла.

У першы дзень мая чакаецца ўжо пераважна без ападкаў. Уначы тэмпература будзе вагацца ад плюс 3 да плюс 10 градусаў, а ўдзень — ад плюс 20 градусаў да 26 цяпла.

І ў чацвер прагназуецца пераважна без ападкаў. Тэмпература паветра ноччу складзе плюс 4–9 градусаў, днём — ад плюс 17 градусаў па паўночным усходзе да плюс 26 градусаў па паўднёвым захадзе краіны.

У пятніцу надвор’е будзе пераважна без ападкаў. Ноччу чакаецца ад плюс 3 градусаў па паўночным усходзе да плюс 11 градусаў па паўднёвым захадзе, днём — ад плюс 14 градусаў у паўночна-ўсходніх раёнах да плюс 23 градусаў у паўднёва-заходніх.

Некамфортным будзе надвор’е менавіта ў суботу. У гэты дзень месцамі па краіне пройдуць кароткачасовыя дажджы. У начныя і ранішнія гадзіны ў асобных раёнах слабы туман. Уначы тэмпература паветра дасягне плюс 1–8 градусаў, па паўднёвым захадзе — плюс 10 градусаў. Месцамі па паўночным усходзе магчымыя замаразкі ад 0 да мінус 2 градусаў. Днём паветра прагрэецца ад плюс 15 градусаў па ўсходзе да плюс 23 градусаў па захадзе краіны.

У нядзелю месцамі па краіне магчымыя кароткачасовыя дажджы. Уначы слупкі тэрмометраў пакажуць плюс 5–12 градусаў, а па ўсходзе — плюс 2–4 градусы. Днём сіноптыкі прагназуюць ад плюс 13 градусаў па паўночным усходзе да плюс 23 градусаў па паўднёвым захадзе.

Сяргей КУРКАЧ

Выбар рэдакцыі

Культура

Стасся Корсак: «Заставайцеся індывідуальнымі»

Стасся Корсак: «Заставайцеся індывідуальнымі»

Юная артыстка, якая арганічна падае сябе ў розных вобразах і жанрах. 

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.