Вы тут

Краязнаўчае падарожжа па Віцебшчыне


Толькі што да чытача прыйшла кніга Алеся Карлюкевіча «Старонкі віцебскага краязнаўства» (Мінск, Выдавецкі дом «Звязда», 2024 год). Наклад — 700 экзэмпляраў. Разам аб’яднаны нарысы, эсэ, гутаркі на тэмы віцебскага краязнаўства. 


Першы раздзел складаюць нарысы, прысвечаныя розным рэгіёнам вобласці, — «Браслаў», «Верхнядзвіншчына», «Відзы», «Віцебск», «Глыбоччына», «Дзісна», «Докшыцы...Бягомль», «Дубровеншчына», «Лынтупы», «Паставы», «Расоншчына», «Ула і ваколіцы», «Чашніцкі край», «Шуміліншчына».

У другой частцы кнігі — расповяд пра лёсы розных, часам не дужа вядомых ураджэнцаў Віцебска і Віцебшчыны, якія праславілі сябе ў Расіі і іншых краінах постсавецкай прасторы. Аўтар звяртаецца да лёсаў расійскага дыпламата і падарожніка Мікалая Мацюніна, этнографа і музейнага дзеяча Міхаіла Крукоўскага, краязнаўцы Пятра Васількоўскага, зорку расійскай медыцыны Міхаіла Данілевіча, батаніка Канстанціна Каменскага, палітычнага і вайсковага дзеяча Міхаіла Барадзіна, лёс якого звязаны з Кітаем у самыя драматычныя для Паднябеснай гады, даследчыка творчасці Аляксея Талстога Івана Векслера, мастака Рувіма Мазеля, акцёра Веніяміна Гута, мовазнаўца і літаратуразнаўца Аляксандра Пацалуеўскага, мастачку Раісу Ідэльсон, перакладчыка Марка Воласава... 

Завяршаецца кніга раздзелам пра сучаснае краязнаўства на Віцебшчыне, пра тое, як у свеце ўспрымаюць творчасць Уладзіміра Караткевіча, Васіля Быкава. У трэцяй частцы кнігі «Старонкі віцебскага краязнаўства» — і дыялог пісьменніка з арганізатарам краязнаўчай працы на Віцебшчыне, загадчыкам аддзела краязнаўства Віцебскай абласной бібліятэкі імя У. І. Леніна Ларысай Рагачовай «Краязнаўства — прыярытэтны накірунак...»

Несумненна, кніга Алеся Карлюкевіча падасца цікавай не толькі тым, хто цікавіцца выключна гісторыяй Віцебска і Віцебшчыны. Але ў Віцебскім краі, пэўна, выданнем зацікавяцца найболей. 

Сяргей ШЫЧКО

Выбар рэдакцыі

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.