Вы тут

Калектыў Мінскага холадакамбіната №2 сустрэўся з ветэранам працы і дзядулем касманаўтыкі Фёдарам Васілеўскім


У цёплай сяброўскай абстаноўцы прайшла сёння сустрэча калектыву УП «Мінскага холадакамбіната № 2» са сваім заслужаным ветэранам працы Фёдарам Васілеўскім. На прахадной з букетам кветак і сімвалічным, але дзейным пропускам, яго сустрэў дырэктар холадакамбіната Дзмітрый Бонахаў.


Дзядуля першай беларускай касманаўткі 42 гады добрасумленна працаваў на фабрыцы марожанага высокапрафесійным слесарам і наладчыкам абсталявання 6 разраду. Фёдар Сідаравіч нарадзіўся ў 1938 годзе, на заслужаны адпачынак сышоў у 2003-м, і шматлікія працаўнікі яшчэ добра памятаюць, што на змене Васілеўскага — вафлі для марожанага ішлі гладка — абсталяванне не давала збояў. 

Вясна 2024 года стала для Фёдара Сідаравіча пераможнай і лёсавызначальнай: яго ўнучка Марына стала першай жанчынай-касманаўтам суверэннай Беларусі. Вядома, на Мінскам холадакамбінаце гэтая радасць перажываецца як свая. Яна з сэрца рвецца. Таму сустрэча атрымалася атмасфернай, з бляскам шчасця ў вачах.

На правах гасціннага гаспадара Дзмітрый Бонахаў падарыў заслужанаму ветэрану працы Фёдару Васілеўскаму грашовы сертыфікат, названай сумы ў якім хопіць на санаторную пуцёўку. Фёдар Сідаравіч, не гледзячы на пашпартныя дадзеныя (у іх мала хто і глядзіць), фору дасць 60-гадовым, але тэму падарунку адобрыў. Проста Васілеўскі адносіцца да катэгорыі людзей, якія перш думаюць аб Радзіме, аб сям’і, а аб сабе — па рэшткавым прынцыпе. Расчуліў дзядулю да слёз падораны партрэт унучкі — касманаўта Марыны Васілеўскай. У зале многія пераглянуліся: падобныя, відаць парода. Побач з Васілеўскім-старэйшым знаходзіўся ўнук Аляксандр і праўнук Данііл — таксама годныя спадчыннікі.

На вельмі мажорнай ноце сустрэча ў актавай зале скончылася песняй-легендай савецкага ВІА «Зямляне» «Трава каля дома», дзе «зямля ў ілюмінатары, трава каля дома, а мы ляцім арбітамі, шляхамі не збітымі». Васілеўскія такія: на зямлі і ў космасе ліхія!

Тамара ХАМІЦЭВІЧ

Фота аўтара

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?