Вы тут

Завіруха абрынулася на Віцебск


Віцебск замятае снегам. Спецыялісты «Гардармост» і Дзяржаўтаінспекцыі расказалі БелТА, як завіруха паўплывала на работу транспартнай сістэмы горада.


Фота БелТА

На дарогах Віцебска снежнае покрыва не крытычнае, камунальным службам не давялося яго чысціць, аднак на вуліцы горада выйшлі дзве адзінкі транспарту «Гардармост» для падсыпкі праезнай часткі пясчанай сумессю. Сітуацыя і для спецмашын, і для аўтамабіляў жыхароў горада ўскладняецца тым, што многія ўжо змянілі зімовыя шыны на летнія.

Стыхія нязначна паўплывала на бяспеку дарожнага руху. «Назіраецца невялікае павелічэнне колькасці ДТЗ з матэрыяльным уронам, у Віцебску зафіксавана 12 такіх выпадкаў. Грамадзяне ў іх не пацярпелі. З-за непагадзі ў абласным цэнтры на машыны ўпалі шэсць дрэў, адно з іх — падчас руху аўтамабіля, астатнія — на паркоўках ва дварах. У сувязі з гэтым мы рэкамендуем кіроўцам ставіць свае машыны далей ад дрэў, бо ў бліжэйшыя суткі істотных зменаў умоў надвор’я не прагназуецца», — адзначыла начальнік аддзялення па агітацыі і прапагандзе УДАІ УУС Віцебскага аблвыканкама Надзея Каспяровіч.

Яна дадала, што ў такіх складаных умовах надвор’я аўтааматарам трэба быць вельмі ўважлівымі, выконваць бяспечную дыстанцыю, бакавы інтэрвал, а таксама быць асабліва асцярожнымі пры набліжэнні да рэгуляваных і нерэгулюемых пешаходных пераходаў.

«Пешаходам хочам нагадаць, што перасякаць праезную частку трэба толькі па зебры на дазваляльны сігнал святлафора, пераканаўшыся, што машыны ўступаюць дарогу. Дарослых просім паклапаціцца аб бяспецы дзяцей на дарогах і яшчэ раз заклікаць іх быць уважлівымі і асцярожнымі», — падкрэсліла Надзея Каспяровіч.

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.