Вы тут

Адкрылася турыстычная выстава-кірмаш «Адпачынак-2024»


Сёння ў культурна-спартыўным комплексе «Мінск-арэна» ўрачыста адкрылася ХХVІ Міжнародная вясенняя выстава-кірмаш турыстычных паслуг «Адпачынак-2024». Яна ўпершыню праходзіць на найбуйнейшай пляцоўцы краіны, і сёлетні яе маштаб сапраўды ўражвае: больш за 300 экспанентаў, сярод якіх усе 118 раёнаў Беларусі і 10 найбуйнейшых гарадоў, якія прэзентуюць сябе цягам трох дзён у рэжыме нон-стоп, амаль тры дзясяткі рэгіёнаў Расіі і 12 замежных краін, у тым ліку Турцыя, Куба, Шры-Ланка і Палесціна.


Удзельнікі выставы анансуюць наведвальнікам навінкі ў сферы турызму, правядуць перагаворы, падпішуць кантракты і абмяркуюць праблемы галіны. Цікавасць да яе расце, і ўсё больш замежных дзелавых партнёраў наведвае беларускі форум у складзе дзелавых дэлегацый.

Падчас урачыстага адкрыцця кірмашу «Адпачынак-2024» намеснік прэм’ер-міністра Ігар Петрышэнка адзначыў, што ў краіне актыўна праводзіцца дзяржаўная палітыка, звязаная з падтрымкай і развіццём турызму, у тым ліку і нарматыўнае рэгуляванне. Па ўказе Прэзідэнта адкрылі бязвізавы ўезд для нашых суседзяў.

— Мы гасцінна іх сустракаем, і людзі бачаць, як жыве і развіваецца наша краіна, з якой шчырай сардэчнасцю беларусы сустракаюць гасцей, і гэта наша нацыянальная рыса, — падкрэсліў Ігар Петрышэнка. — Мы ўдзячны расійскім калегам, разам з якімі развіваем наш ключавы праект Саюзнай дзяржавы. Прыемна адзначыць, што Расія прадставіла на выстаўцы каля 30 рэгіёнаў. Ганарымся, што за мінулы год пяць мільёнаў расійскіх сяброў наведала нашу краіну. Думаю, сёлета будзе не менш.

Ігар Петрышэнка нагадаў, што за апошнія тры гады ў краіне ўведзена 39 аб’ектаў турыстычнай інфраструктуры.

— Мы актыўна развіваем унутраны турызм, і беларусы ўсё больш пазнаюць сваю краіну. На працягу гэтага года кожны месяц мы прысвячаем пэўнаму віду: студзень — адукацыйнаму турызму, люты — аздараўленчаму і медыцынскаму, сакавік — прамысловаму, красавік — дзелавому. Усе віды турызму актыўна прапагандуем і прасоўваем, бо зацікаўлены, каб да нас прыязджалі, каб кожны, хто ў нас пабываў, сказаў, што я абавязкова сюды вярнуся з дзецьмі і ўнукамі, сябрамі ці суседзямі, — адзначыў віцэ-прэм’ер.

Ён дадаў, што ў год вызвалення Беларусі ад нямецка-фашысцкіх захопнікаў важны і такі кампанент, як патрыятычны турызм.

— Гэта генны код кожнага беларуса — шанаваць подзвіг нашых продкаў, якія пакінулі нам выдатную краіну. І мы яе павінны такой захаваць для будучых пакаленняў.

Ігар Петрышэнка падкрэсліў, што эфектыўнаму развіццю турыстычнага патэнцыялу садзейнічаюць і чыгуначныя, і аўтамабільныя, і авіяцыйныя зносіны, якія з году ў год пашыраюцца. У прыватнасці, з Расіяй адкрыта шэсць дадатковых рэйсаў, акрамя Санкт-Пецярбурга і Масквы, ідзе развіццё хуткасных чыгуначных магістраляў.

Усе тры дні работы выставы (з 18 да 20 красавіка) наведвальнікаў чакаюць культурная праграма і дэгустацыі гастранамічных адметнасцяў таго ці іншага рэгіёна, розыгрышы прызоў і сюрпрызы. 18 красавіка свой турыстычны патэнцыял прадэманстравалі Брэсцкая і Віцебская вобласці, сёння чарга Магілёўскай, Гродзенскай і Гомельскай. А ў суботу з турыстычнымі адметнасцямі пазнаёмяць сталіца і Мінская вобласць.

Алена КРАВЕЦ

Фота Віктара ІВАНЧЫКАВА

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.