Вы тут

Чацвёрты год запар перавыдаюцца народныя казкі ў апрацоўцы класіка


У Выдавецкім доме «Звязда» толькі што пабачыла свет кніга «Беларускія народныя казкі ў апрацоўцы Якуба Коласа». Тыраж новага выпуску знакамітага творчага праекта класіка беларускай літаратуры — 1500 экзэмпляраў. Агульны тыраж ранейшых выданняў — у 2020, 2021 і 2023 гадах — роўны 3300 экзэмпляраў.


Пад адной вокладкай прыгожа аформленага зборніка — шэсць народных казак: «Каза ў арэхах», «Зайкава хатка», «Як пеўнік ратаваў курачку», «Пчала і шэршань», «Дудар», «Не вытрываў». Над апрацоўкай гэтых фальклорных твораў народны пясняр Беларусі працаваў у 1922–1940-я гады. Разнастайныя па тэматыцы, казкі знаёмяць дзяцей са светаўспрыманнем нашых продкаў, вучаць спрадвечным жыццёвым ісцінам, нагадваюць пра тое, што дабрыня, чуласць, разважлівасць — сярод галоўных прыярытэтаў жыцця.

Ілюстратарам усіх выданняў зборніка «Беларускія народныя казкі ў апрацоўцы Якуба Коласа» выступае Алег Грубін. Таленавіты кніжны графік знайшоў сваё рашэнне ў разглядзе вобразаў казы (казка «Каза ў арэхах»), лісы, зайчыка і мядзведзя («Зайкава хатка»), пеўня («Як пеўнік ратаваў курачку»), руплівіцы-пчолкі («Пчала і шэршань»), таленавітага музыкі («Дудар»), пана і мужыка-казачніка («Не вытрываў»).

Набыць новае выданне казак можна ва ўсіх кнігарнях ААТ «Белкніга» і ў Мінску ў кнігарні «Белкніга» па адрасе: праспект Незалежнасці, 72. Пажадаем жа юным чытачам і іх бацькам прыемных казачных адкрыццяў!

Раман СЭРВАЧ

Загаловак у газеце: У апрацоўцы Якуба Коласа

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.