Вы тут

Якія метады інфармацыйнай вайны выкарыстоўваюць для дэстабілізацыі ў Беларусі, расказаў Пярцоў


Апаненты для дэстабілізацыі абстаноўкі ў Беларусі выкарыстоўваюць цэнтры інфармацыйна-псіхалагічных аперацый, а таксама звяртаюцца да журналісцкіх і псеўдажурналісцкіх магчымасцей. Аб гэтым у эфіры тэлеканала АНТ заявіў намеснік кіраўніка Адміністрацыі Прэзідэнта Уладзімір Пярцоў, паведамляе БелТА.


«Прэзідэнт сказаў, што ад нас не адстануць. І калі камусьці здаецца, што фокус увагі недзе перамешчаны на Блізкі Усход, недзе на канфлікт, які адбываецца ва Украіне, то гэта памылкова. У нас наперадзе палітычныя кампаніі. Гэта і Усебеларускі народны сход, які пройдзе ў новым канстытуцыйным статусе, і прэзідэнцкая выбарчая кампанія, на якой і будуць сфакусіраваны асноўныя рэсурсы нашых апанентаў», — лічыць Уладзімір Пярцоў.

Намеснік кіраўніка Адміністрацыі Прэзідэнта, гаворачы аб рэсурсах, якія могуць быць накіраваны на дэстабілізацыю абстаноўкі ў Беларусі, назваў цэнтры інфармацыйна-псіхалагічных аперацый, а таксама выкарыстанне журналісцкіх і псеўдажурналісцкіх магчымасцей. «Гэта будзе накіравана на заваёву розумаў і сэрцаў беларускіх грамадзян, каб яны былі лаяльныя да тых людзей, якія не жадаюць нам дабра. Як максімум — каб яны сустракалі хлебам і соллю тых акупантаў, якія ўжо рыхтуюць наступальныя войскі на поўначы і захадзе», — падкрэсліў ён.

«Прэзідэнт казаў, што ў гэтым ключы трэба звяртацца да тых высокіх стандартаў журналістыкі, тых падыходаў, якія працуюць. Трэба казаць праўду. Вядома, цыпсошныя і іншыя маніпуляцыі эфектыўныя ў нейкім моманце. Яны прымушаюць людзей здзяйсняць правапарушэнні пад уздзеяннем эмоцый, якія распальваюць гэтыя тэхналогіі. Але пыл рассейваецца, і людзі бачаць, што тое, што ім казалі, — гэта няпраўда. І яны звяртаюцца да тых крыніц, якім варта давяраць», — сказаў на заканчэнне намеснік кіраўніка Адміністрацыі Прэзідэнта.

Прэв’ю: БелТА

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.