Вы тут

Качанава: Злачынствам супраць чалавецтва і чалавечнасці няма апраўдання


Злачынствам супраць чалавецтва і чалавечнасці няма апраўдання, у іх няма тэрмінаў даўнасці, заявіла старшыня Савета Рэспублікі Наталля Качанава на заключным пасяджэнні 11-й сесіі Савета Рэспублікі Нацыянальнага сходу сёмага склікання, перадае БелТА.


Фота БелТА

«Мы з’яўляемся сведкамі няпростых трансфармацый у гісторыі чалавецтва. Сёння як ніколі відавочна, які няўстойлівы наш свет, наколькі слабаабароненыя чалавечае жыццё, бяспека і спакой у агоніі адыёзных геапалітычных амбіцый і пошуку хуткай нажывы. У арсенале інструментаў для дасягнення нізкіх мэт, на жаль, усё часцей выкарыстоўваюцца тэрарызм і экстрэмізм. Акрамя таго, іх формы з кожным разам становяцца больш дасканалымі, беспрынцыповымі, варварскімі», — сказала Наталля Качанава.

Нікога з разважных людзей не пакінуў абыякавым жахлівы тэрарыстычны акт, які быў учынены 22 сакавіка ў брацкай Расіі, адзначыла спікер. «Беларусы, для якіх гэта дата больш за восем дзесяцігоддзяў з’яўляецца незагойнай ранай Хатынскай трагедыі, з глыбокім болем і горыччу ўспрынялі падзеі ў Падмаскоўі, — падкрэсліла старшыня Савета Рэспублікі. — Такім злачынствам супраць чалавецтва і чалавечнасці няма і не можа быць ніякага апраўдання. Ім няма тэрмінаў даўнасці. Мы катэгарычна асуджаем любыя праявы тэрарызму і экстрэмізму, выказваем прыхільнасць да каштоўнасцей усеагульнага міру і глабальнай бяспекі, імкненне да цывілізаванага дыялогу».

Савет Рэспублікі на заключным пасяджэнні 11-й сесіі прыняў заяву аб процізеянні тэрарызму.

 

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.