Вы тут

Качанава правяла сустрэчу з актывам пярвічных арганізацый БСЖ рэспубліканскіх навукова-практычных цэнтраў


У Савеце Рэспублікі прайшла сустрэча Старшыні Савета Рэспублікі Наталлі Качанавай з актывам пярвічных арганізацый БСЖ рэспубліканскіх навукова-практычных цэнтраў.


«Лічыце, што ў нас сёння дыялогавая пляцоўка, дзе мы разам будзем казаць пра тыя рэчы, якія хвалююць вас, я раскажу пра тое, што бачыцца мне. Як ніколі востра мы адчуваем, што павінны быць адзіныя ва ўсім. Чым часцей мы будзем сустракацца адно з адным, тым большы будзе поспех у нашай рабоце», — сказала Наталля Качанава.

Спікер падкрэсліла, што ахова здароўя — гэта прыярытэтны кірунак дзяржаўнай палітыкі Беларусі. «У сваёй рабоце мы прытрымліваемся задач, якія ставяцца кіраўніком дзяржавы, а таксама зыходзячы з тых пытанняў, якія ён агучвае ў штогадовым звароце да народа і парламента, і, вядома, рашэнняў Усебеларускага народнага сходу. Мне рашэнні УНС вельмі імпануюць: усё дакладна і зразумела — чатыры кірункі: моцныя рэгіёны, шчаслівая сям’я, інавацыйнае развіццё, дзяржава-партнёр. Дзяржава ўзяла на сябе гэтыя сацыяльныя гарантыі, і мы павінны гэта падтрымліваць, нягледзячы ні на якія перыпетыі. Краіна жыве, краіна развіваецца даволі паспяхова. Ні адна праграма не згорнута».

За чатыры гады членамі Савета Рэспублікі праведзена больш за восем тысяч сустрэч з працоўнымі калектывамі, каля дзвюх тысяч прамых тэлефонных ліній, расказала Наталля Качанава.

«Працуючы над законапраектамі ў Савеце Рэспублікі, мы стараемся вельмі шмат працаваць з людзьмі. Пытанняў, з якімі людзі звяртаюцца, даволі шмат. За сёмае скліканне да нас паступіла 30,5 тысячы. зваротаў. Гэта на 60% больш, чым за шостае скліканне» , - адзначыла яна. Мы выкарыстоўваем гэта пры рабоце над законапраектамі. Працуючы з людзьмі, мы бачым, на чым трэба акцэнтаваць сваю ўвагу«, — падкрэсліла спікер.

Гаворачы аб ролі грамадскай супольнасці ў палітычным жыцці краіны, Наталля Качанава адзначыла: «У рабоце грамадскіх арганізацый, партый у нашай краіне бачу добрую апору ўлады. Аб гэтым гаварыў і Прэзідэнт на з’ездзе прафсаюзаў. Калі зайшла размова аб дэлегатах Усебеларускага народнага сходу, то мы вырашылі , што прадстаўніцтва ад усіх арганізацый павінна быць роўнае. Цяпер гэта па 80 чалавек ад кожнай арганізацыі».

Па словах спікера, трэба працаваць з моладдзю. «Таму што яна, як губка, убірае ўсё. Калі ім чагосьці недакажаш, то яны будуць дадумваць самі або слухаць кагосьці іншага. Таму мы з імі шмат працуем, — падкрэсліла старшыня Савета Рэспублікі. — Пры Нацыянальным сходзе створаны Маладзёжны савет. Там працуе 138 маладых хлопцаў і дзяўчат. Калі ў першым скліканні ў складзе былі ў асноўным студэнты, то ў гэтым скліканні — людзі, якія працуюць ужо. У іх ліку ёсць і ўрачы, якія ўносяць цікавыя прапановы».

Паводле БелТА

Фота: БелТА

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.