Вы тут

Гісторыя вёсак і мястэчак — у адным томе


«Беларуская навука» накладам у 300 экзэмпляраў выпусціла па-свойму ўнікальнае гісторыка-этналагічнае даследванне кандыдата гістарычных навук Сяргея МІЛЮЧЭНКАВА «Сельские поселения Беларуси XVI — начала XX в.» Пад адной вокладкай сабраны самыя шырокія звесткі пра развіццё паселішчаў Беларусі ў сельскай мясцовасці ў мінулыя стагоддзі. Аўтар, карыстаючыся багатым крыніцазнаўствам, паказвае тую прастору, якая фарміравала і дзяржаву, і нацыю. У даследванні разглядаецца развіццё сельскіх паселішчаў, характарызуюцца іх тыпы, віды, прасторавая арганізацыя. Разглядаюцца структура сялянскіх сядзіб і панскіх двароў, тыпы драўляных жылых, гаспадарчых, вытворчых і іншых пабудоў... Кніга даволі багата ілюстравана. 


Структура даследвання складаецца з наступных глаў: «Развіццё сельскіх паселішчаў» (у ёй прадстаўлены раздзелы): «Сельскагаспадарчыя паселішчы»; «Панскія паселішчы»; «Гандлёвыя паселішчы»; «Царкоўныя паселішчы»), «Прасторавая арганізацыя домаўладанняў» («Віды домаўладанняў»; «Структура і віды планіроўкі традыцыйных сядзіб»; «Віды і планіроўка панскіх паселішчаў»), «Драўлянае жыллё, надворныя і іншыя пабудовы» (з цэлым шэраў раздзелаў, у якіх адлюстроўваюцца назвы комплексаў пабудоў, назвы, тыпы і планіроўка жылля і г.д.). 

Аўтар нагадвае, што першыя спробы апісання сельскіх паселішчаў, у якіх пражывала большасць насельніцтва ў мінулыя стагоддзі, была зроблена ў працах краязнаўчага характару другой паловы XVIII стагоддзя. Як прыклад — праца афіцэра расійскай арміі А. Мейера, прысвечаная Крычаўскаму графству. У 1820-1821 гг. была выдадзена, у дзвюх частках, кніга батаніка А. Башняка, прысвечаная падарожжу, якое ён ажыццявіў па заходніх і паўднёвых губернях Расіі. Даследчык паказаў не толькі флору і мясцовыя прыродныя ландшафты, але і ахарактарызаваў знешні выгляд паселішчаў, склад насельніцтва, некаторыя асаблівасці матэрыяльнай культуры, якасць дарог. Згадваецца і праца Мікалая Анімеле «Побыт беларускіх сялян», створаная на аснове матэрыялаў, сабраных у Віцебскай губерні па праграме Рускага геаграфічнага таварыства...

Набыць працу С. Мілючэнкава можна ў кнігарнях ААТ «Белкніга», а таксама ў кнігарні «Акадэмкніга» ў Мінску па адрасе: праспект Незалежнасці, 72. 

Прыемных чытацкіх адкрыццяў, новых уяўленняў пра вясковае жыццё на Беларусі ў мінулыя стагоддзі! 

Сяргей ШЫЧКО

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.