Вы тут

Міжпарламенцкае ўзаемадзеянне і стасункі з моладдзю


Член Пастаяннай камісіі Савета Рэспублікі па міжнародных справах і нацыянальнай бяспецы, намеснік старшыні Пастаяннай камісіі Міжпарламенцкай Асамблеі СНД (МПА СНД) па пытаннях абароны і бяспекі Фелікс Яшкоў прыняў удзел у пасяджэннях Пастаяннай камісіі МПА СНД і Аб’яднанай камісіі пры МПА СНД па гарманізацыі заканадаўства бяспекі і супрацьдзеянні новым выклікам і пагрозам у рэжыме відэа-канферэнц-сувязі. Члены Пастаяннай камісіі Асамблеі завяршылі работу над праектам Рэкамендацый па ўдасканаленні прававога рэгулявання дзейнасці пагранічных ведамстваў дзяржаў — удзельніц СНД у сферы процідзеяння тэрарызму. Прыняцце Рэкамендацый дасць магчымасць зблізіць падыходы да тлумачэння палажэнняў нарматыўных прававых актаў у сферы процідзеяння тэрарызму, забяспечыць дастаткова аднастайнае і сістэмнае рэгуляванне адносін у гэтай сферы. Акрамя таго, члены Пастаяннай камісіі абмеркавалі канцэпцыю праекта мадэльнага закона «Аб аператыўна-вышуковай дзейнасці». У новай рэдакцыі мадэльнага закона ўлічаны сучасныя тэндэнцыі ў сферы ажыццяўлення аператыўна-вышуковай дзейнасці, вопыт прававога рэгулявання грамадскіх адносін у гэтай галіне ў дзяржавах — удзельніцах СНД і практыка яго прымянення. Абмеркаваны праекты канцэпцый мадэльных законаў «Аб навігацыйным забеспячэнні» і «Аб тэрытарыяльнай абароне».


Савет Рэспублікі наведалі выкладчыкі, студэнты і магістранты юрыдычнага факультэта Беларускага дзяржаўнага ўніверсітэта. Для ўдзельнікаў сустрэчы былі арганізаваны экскурсія па будынку Савета Рэспублікі і агляд музейнай экспазіцыі. У зале пасяджэнняў Савета Рэспублікі яны азнаёміліся з асноўнымі напрамкамі дзейнасці верхняй палаты парламента, кампетэнцыяй пастаянных камісій Савета Рэспублікі, парадкам і асаблівасцямі работы над законапраектамі. Ад удзельнікаў мерапрыемства паступіў шэраг пытанняў, якія датычацца ўдасканалення заканадаўства, стадый заканатворчасці, уцягвання моладзі ў грамадска-палітычнае жыццё краіны, работы са зваротамі грамадзян.


Член Пастаяннай камісіі Савета Рэспублікі па адукацыі, навуцы, культуры і сацыяльным развіцці, старшыня Гомельскай абласной арганізацыі рэспубліканскага грамадскага аб’яднання «Беларускае таварыства Чырвонага Крыжа» Ала Смаляк сустрэлася ў Гомелі з групай дзяцей з Херсонскай вобласці, якія прайшлі аздараўленне ў дзіцячым рэабілітацыйна-аздараўленчым цэнтры «Лясная паляна» ў Гродзенскай вобласці. Па дарозе дадому хлопцы і дзяўчаты спыніліся ў горадзе над Сожам. Ала Смаляк пацікавілася, ці спадабаўся ім адпачынак, што запомніцца больш за ўсё. Сенатар адрасавала дзецям словы падтрымкі, пажадала дабра і дабрабыту, уручыла падарункі. «За два тыдні адпачынку на гасціннай беларускай зямлі дзеці з Херсонскай вобласці прайшлі не толькі аздараўленне, але і атрымалі добрыя эмоцыі, новыя цікавыя знаёмствы, а галоўнае, змаглі паглыбіцца ў атмасферу бесклапотнага дзяцінства, — падкрэсліла парламентарый. — Як прызналіся самі хлопцы і дзяўчаты, з сабой яны вязуць толькі самыя цёплыя і добрыя ўспаміны аб нашай краіне і мараць зноў прыехаць у Беларусь».

Вераніка КАНЮТА

Прэв’ю: iacis.ru

Выбар рэдакцыі

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.

Здароўе

Як мыць садавіну, гародніну і зеляніну, каб не атруціцца?

Як мыць садавіну, гародніну і зеляніну, каб не атруціцца?

«Апрацоўваць гародніну і садавіну сродкам для мыцця посуду нельга».

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».