Вы тут

Актыў Лоеўскага раёна прыняў удзел у дыялогавай пляцоўцы


На Гомельшчыне прадуктыўнай і папулярнай формай работы раённых дэпутацкіх карпусоў застаюцца дыялогавыя пляцоўкі з актывамі сельсаветаў. У такім фармаце абмяркоўваюцца як актуальныя пытанні сацыяльна-эканамічнага развіцця раёна, рэгіёна, так і краіны ў цэлым. Старшыня Гомельскага абласнога Савета дэпутатаў Кацярына Зенкевіч узначаліла дыялогавую пляцоўку з актывам Лоеўскага раёна. Задаць хвалюючыя пытанні кіраўніку аблсавета змаглі дэпутаты базавага і першаснага ўзроўняў раёна.


У дыялогавай пляцоўцы ўзялі ўдзел старшыні ўсіх сельсаветаў Лоеўшчыны і актыў Ручаёўскага сельсавета, на базе якога і прайшла сустрэча.

Кацярына Зенкевіч падрабязна расказала пра сацыяльна-эканамічнае развіццё вобласці, знешнеэканамічную дзейнасць у рэгіёне, вытворчасць прамысловай і харчовай прадукцыі, сферу будаўніцтва.

— Трэба разумець, што ад таго, наколькі адказнымі будуць адносіны да працы кожнага на сваім працоўным месцы, залежыць канкурэнтаздольнасць айчынных тавараў і паслуг, а значыць, узровень дабрабыту краіны і людзей, — падкрэсліла старшыня Гомельскага абласнога Савета дэпутатаў.

Кацярына Зенкевіч засяродзіла ўвагу дэпутатаў на выкарыстанні сродкаў абласнога бюджэту для падтрымкі сацыяльнай сферы.

— За кошт гэтых сродкаў стабільна функцыянуюць установы адукацыі, аховы здароўя, культуры, ажыццяўляецца добраўпарадкаванне населеных пунктаў, — нагадала старшыня аблсавета. — Мы павінны больш тлумачыць людзям, колькі дзяржаўных сродкаў укладваецца, каб забяспечыць дастойны ўзровень жыцця, і чаму важны ўклад кожнага чалавека. Любы жыхар можа браць удзел у грамадскім жыцці, асабліва ў навядзенні парадку. 

Як сказаў Прэзідэнт, Год якасці пачынаецца са свайго двара. Задача ўлады — арганізаваць людзей, стварыць ім умовы, магчымасці для ўдзелу ў добраўпарадкаванні тэрыторый, дзе тыя пражываюць. Да гэтай работы абавязкова павінны падключацца мясцовыя органы ўлады, — падкрэсліла старшыня аблсавета і заклікала дэпутатаў да ўзмацнення сумеснай работы з мясцовымі органамі ўлады, кіраўнікамі прадпрыемстваў і арганізацый.

Як было адзначана, сёлета Гомельскі абласны Савет дэпутатаў працягне навучальную і інфармацыйную работу з дэпутатамі базавага ўзроўню. Кацярына Зенкевіч нагадала дэпутатам, што неабходна звярнуць увагу на афармленне інфармацыйнай прасторы ў сельсаветах: стэнды, дошкі аб’яў, сайты. Інфармацыя павінна быць актуальнай. Вядома, неабходна цесна супрацоўнічаць з прадстаўнікамі мясцовых сродкаў масавай інфармацыі, рэгулярна дзяліцца навінамі, у тым ліку аб праведзенай рабоце. Лідар дэпутацкага корпуса Гомельшчыны заклікала працягваць такія важныя формы работы на месцах, як «Дзень дэпутата», «Дзень сельсавета».

— Неабходна рэгулярна праводзіць вучобы дэпутатаў па розных пытаннях, прыцягваць для гэтага вузкіх спецыялістаў. Напрыклад, па зваротах грамадзян — прыцягваць да работы прадстаўнікоў аддзела па зваротах райвыканкама, па распараджэнні маёмасцю — аддзела эканомікі, — зазначыла старшыня аблсавета.

Пасля дыялогавай пляцоўкі Кацярына Зенкевіч разам са старшынёй Лоеўскага раённага Савета дэпутатаў Ірынай Пастуховай і дэпутатам аблсавета Тамарай Дземідзенка азнаёміліся з работай аб’ектаў сацыяльна значнай інфраструктуры на тэрыторыі аграгарадка Ручаёўка. Дэпутаты наведалі Ручаёўскую сярэднюю школу імя Мельнікава, дзіцячы садок, сельскую бібліятэку, фельчарска-акушэрскі пункт.

— Сёння на абслугоўванні — больш за 350 чалавек. Вядзём патранаж дзяцей да года, цяжарных жанчын, грамадзян з інваліднасцю. Праводзім дыспансернае назіранне пацыентаў, вакцынацыю. Забяспечваем работу працэдурнага кабінета і аптэкі, — патлумачыла загадчык Ручаёўскага фельчарска-акушэрскага пункта Яна Грушэнка.

На вёсцы сацыяльна значным аб’ектам, безумоўна застаецца пошта.

— Прыходзяць атрымаць пенсію, аформіць падпіску, аплаціць сотавую сувязь і камунальныя паслугі, набыць тавары штодзённага попыту, — расказала начальнік мясцовага аддзялення паштовай сувязі Анастасія Кацуба.

Дэпутаты таксама пацікавіліся, як у аграгарадку развіваецца гандаль, і ацанілі асартымент прадукцыі ў краме індывідуальнага прадпрымальніка.

Падчас наведвання кожнага сацыяльна значнага аб’екта дэпутаты цікавіліся, як аказваюцца паслугі з улікам попыту вяскоўцаў.

— У раёне працягваюць праводзіць мэтанакіраваную работу па выкананні сацыяльных стандартаў. Таму на асаблівым кантролі дэпутатаў — даступнасць і своечасовасць паслуг, якія аказваюцца жыхарам сельскіх населеных пунктаў, — адзначыла старшыня Лоеўскага раённага Савета дэпутатаў Ірына Пастухова.

Па выніках работы ў Лоеўскім раёне Кацярына Зенкевіч у чарговы раз адзначыла ролю дэпутатаў пярвічнага ўзроўню ў рабоце з насельніцтвам на месцы, у вырашэнні пытанняў, якія маюць надзённы характар і хвалююць жыхароў сельскіх населеных пунктаў.

Наталля КАПРЫЛЕНКА

Фота газеты «Лоеўскі край»

Загаловак у газеце: Інфармацыя павінна быць актуальнай

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.