Вы тут

Якія прадукты станоўча ўплываюць на работу сардэчна-сасудзістай сістэмы?


Немалую ролю ў збоях у рабоце сардэчна-сасудзістай сістэмы адыгрывае няправільнае харчаванне, якое стала ўжо неад’емнай часткай жыцця сярэднестатыстычнага чалавека. Па словах спецыялістаў, людзі ўсё менш і менш задумваюцца аб тым, што яны ядуць і які ўплыў ежа аказвае на іх арганізм у цэлым, і на сэрца ў прыватнасці.


Менавіта таму медыкі і дыетолагі склалі спіс прадуктаў, найбольш карысных для сардэчна-сасудзістай сістэмы. Пра іх расказала ўрач-педыятр 3-й гарадской дзіцячай клінічнай паліклінікі Валянціна Рахоцкая.

У першую чаргу ў рацыён трэба ўключыць свежую садавіну, агародніну і з’ядаць іх не менш чым 400 грамаў за суткі.

Агародніна

Варта купляць моркву, агуркі, памідоры і іншую агародніну. А вось бульбу лепш есці як мага радзей, паколькі ў ёй шмат крухмалу, але мала клятчаткі.

Садавіна

Пажадана выключыць вінаград. Ён змяшчае вялікую колькасць глюкозы. Таксама варта не злоўжываць бананамі. З аднаго боку, у іх шмат вугляводаў, якія хутка павялічваюць узровень той жа глюкозы ў крыві, аднак з іншага — яны ўтрымліваюць шмат калію, які рэгулюе водна-
солевы баланс і адказвае за сардэчны рытм. 

Усё астатняе вітаецца.

Марская рыба

Для сэрца і сасудаў вельмі карысная марская рыба, асабліва з паўночных мораў. Яе варта ўжываць як мінімум два-тры разы на тыдзень. У ідэале — пяць-шэсць разоў.

Арэхі

У спіс карысных прадуктаў для сэрца таксама ўваходзяць арэхі: грэцкія, кеш’ю, арахіс, кедравыя.

Аліўкавы алей

Аліўкавы алей змяшчае ў сабе вельмі важныя для арганізма Амега-3 і Амега-6 тлустыя кіслоты. Яны актыўна ўдзельнічаюць у рэгуляцыі абмену халестэрыну.

Горкі шакалад

Маецца на ўвазе шакалад з больш як 70-працэнтным утрыманнем какавы. Ён станоўча ўплывае на работу сардэчна-сасудзістай і нервовай сістэм. Бяспечна для фігуры можна ўжываць 20-30 грамаў горкага шакаладу ў дзень.

Алена КРАВЕЦ

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.