Вы тут

Незвычайны «Танцавальны салон у Лошыцкай сядзібе» адбыўся ў знакамітым паркавым комплексе


Парк упершыню згадваецца ў летапісе ад 1557 года. І ў нашы дні Лошыца з’яўляецца адным з самых папулярных месцаў адпачынку мінчан і гасцей сталіцы. 


Нічога дзіўнага: калі пад ручку шпацыруюць і карагоды водзяць вакол сядзібы высакародныя дамы і кавалеры, апранутыя ў цудоўныя сукенкі і элегантныя фракі, то назіральнікаў будзе заўсёды шмат. А ў першы па-сапраўднаму цёплы вясновы дзень у Лошыцы тым болей быў аншлаг як наведвальнікаў, так і ўдзельнікаў праграмы «Танцавальны салон...».

Насычаныя і займальныя майстар-класы па танцах, па прычосках ад стыліста Аліны Даўгаполавай, прадстаўленне «Мэбляваны пакой» паводле апавядання О. Генры з удзелам артыстаў «Тэатра на Нямізе», не маглі не спадабацца. Лошыцкі парк ператварыўся ў машыну часу і пераносіў усіх жадаючых у прыгожае мінулае.

Цікавай імпрэзай стала выкананне старадаўніх танцаў каля музея-сядзібы пад кіраўніцтвам харэографа і музыкі Вольгі Санельнікавай. Гэта была не школа Самуіла Плята, дзе «два крокі налева, два крокі направа», а танцавальныя рытмы XVI-XIX стагоддзяў з урокамі бальнага этыкету (як на вуліцы, так і ў залах графаў Прушынскіх і Любанскіх). У танцавальных па, жэстах дам (якія ва ўсю моц задзейнічалі вееры) і кавалераў гучала мова высокіх і гарачых пачуццяў, запатрабаваная ва ўсе часы. 

Тамара ХАМІЦЭВІЧ

Фота аўтара

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.