Вы тут

Уступілі ў сілу меры ў адказ Беларусі супраць Літвы


Меры ў адказ Беларусі супраць Літвы ўступілі ў сілу з сённяшняга дня. Адпаведныя пастановы Савета Міністраў апублікаваны на Нацыянальным прававым інтэрнет-партале, паведамляе БелТА.


Фота: БелТА

Беларускім бокам прынята рашэнне аб увядзенні анансаваных раней мер у адказ на недружалюбныя дзеянні Літоўскай Рэспублікі па закрыцці ў 2024 годзе двух пагранічных пунктаў пропуску. Так, пастановай Савета Міністраў Рэспублікі Беларусь ад 14 сакавіка 2024 года нумар 181 устаноўлена забарона на імпарт з Літвы асобных тавараў, уключаючы прадукты харчавання, будаўнічыя вырабы і бытавую тэхніку, а пастановай ад 14 сакавіка нумар 182 — забарона на ўвоз асобных тавараў праз беларуска-літоўскі участак дзяржмяжы.

Згодна з пастановай нумар 181 у пералік тавараў, забароненых да ўвозу і рэалізацыі на тэрыторыі Беларусі, уключаны асобныя тавары, якія паходзяць з Літоўскай Рэспублікі: малако і вяршкі згушчаныя, садавіна і арэхі, кава, сокі фруктовыя, воды, воцат, калготкі, панчохі, гольфы, шкарпэткі і іншыя панчошна-шкарпэткавыя вырабы, асобныя будаўнічыя вырабы, халадзільнікі і маразільнікі.

Забарона на ўвоз асобных тавараў праз беларуска-літоўскі ўчастак дзяржмяжы, зацверджаны пастановай нумар 182, распаўсюджваецца на наступныя тавары: воды, піва, віна, сусло вінаграднае, вермуты, іншыя зброджаныя напіткі, спірт этылавы, воцат, шыны і пакрышкі пнеўматычныя гумовыя, адзенне і іншыя вырабы, якія былі ва ўжыванні, а таксама былыя ва ўжыванні часткі і прыналежнасці транспартных сродкаў. Дзеянне дакумента працягнецца да 1 кастрычніка 2024 года.

Асноўныя палажэнні пастаноў уступілі ў сілу з 1 красавіка 2024 года.

Выбар рэдакцыі

Грамадства

Як змагацца з шумнымі суседзямі?

Як змагацца з шумнымі суседзямі?

Перш чым ісці вайной на суседзяў, варта вывучыць «Правілы карыстання жылымі памяшканнямі».

Эканоміка

Чым здзівіць «БЕЛАГРА-2024»?

Чым здзівіць «БЕЛАГРА-2024»?

У рамках дзелавой праграмы выставы пройдзе каля 20 тэматычных семінараў і канферэнцый.