Вы тут

Падрыхтоўка праекта «Цягнік Памяці», міжнародныя сустрэчы і работа ў калектывах


Старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец правёў пасяджэнне арганізацыйнага камітэта па пытаннях падрыхтоўкі і правядзення ў 2024 годзе сумеснага беларуска-расійскага патрыятычнага культурна-асветніцкага праекта «Цягнік Памяці». Удзельнікі падрабязна абмеркавалі арганізацыйныя аспекты, звязаныя з праграмамі знаходжання ўдзельнікаў у Беларусі.

Праект стартуе ў Брэсце 21 чэрвеня 2024 года. Цягнік праедзе праз 13 гарадоў Беларусі і Расіі і фінішуе ў Мінску. У кожным горадзе плануецца насычаная культурная праграма, якая ўключае памятна-мемарыяльныя і культурна-асветніцкія мерапрыемствы, звязаныя з падзеямі Вялікай Айчыннай вайны і іншымі важнымі гістарычнымі датамі Беларусі і Расіі, наведванне знакавых, памятных мясцін, ускладанне кветак да помнікаў загінулым воінам, іншыя мерапрыемствы. Сенатар акцэнтаваў увагу прысутных на неабходнасці забеспячэння высокага якаснага ўзроўню рэалізацыі праекта, конкурснага адбору ўдзельнікаў, бяспечных умоў знаходжання і аховы правапарадку, арганізацыі работы аб’ектаў грамадскага харчавання, вырабу форменнай экіпіроўкі, размяшчэння вонкавай рэкламы ў гарадах знаходжання цягніка, даступнасці інтэрнэту для ўдзельнікаў і іншага.


Член Пастаяннай камісіі Савета Рэспублікі па адукацыі, навуцы, культуры і сацыяльным развіцці, старшыня Гродзенскага абласнога аб’яднання прафсаюзаў Віктар Лісковіч падчас свайго дзелавога візіту ў Татарстан сустрэўся са Старшынёй Дзяржсавета Рэспублікі Татарстан Фарыдам Мухаметшыным. Адной з ключавых падзей візіту ў Татарстан стала падпісанне пагаднення аб узаемадзеянні і супрацоўніцтве паміж Федэрацыяй прафсаюзаў Рэспублікі Татарстан і Гродзенскім абласным аб’яднаннем прафсаюзаў. «Дасягнуты дамоўленасці аб інфармацыйным узаемадзеянні, абмене вопытам у галіне абароны сацыяльна-працоўных правоў работнікаў, а таксама ўмацавання і развіцця прафсаюзнага руху, — канкрэтызаваў парламентарый. — Асаблівы акцэнт — на супрацоўніцтве прафсаюзнай моладзі, арганізацыі аздараўлення і адпачынку членаў прафсаюзаў і іх сем’яў. Плануем абменьвацца дэлегацыямі, праводзіць сустрэчы, семінары і канферэнцыі, што, безумоўна, будзе дабратворна ўплываць на ўзаемадзеянне рэгіёнаў у цэлым, садзейнічаць умацаванню сяброўскіх сувязяў».


Член Пастаяннай камісіі Савета Рэспублікі па заканадаўстве і дзяржаўным будаўніцтве, старшыня РГА «Белая Русь», старшыня Беларускай партыі «Белая Русь» Алег Раманаў узяў удзел у сустрэчы з працоўным калектывам ДВА «Белэнерга». Сенатар расказаў аб партыйным будаўніцтве ў Беларусі, азнаёміў усіх прысутных з вынікамі работы па арганізацыі і правядзенні адзінага дня галасавання, які адбыўся ў нашай краіне сёлета. Па выніках удзелу ў электаральнай кампаніі Беларуская партыя «Белая Русь» стала абсалютным лідарам па колькасці абраных дэпутатаў розных узроўняў. Напрыканцы сустрэчы Алег Раманаў урачыста ўручыў партыйныя білеты работнікам арганізацыі і пажадаў усім удзельнікам сустрэчы поспехаў у рабоце на карысць і развіццё нашай краіны.

Вераніка КАНЮТА

Прэв’ю: pravo.by

Выбар рэдакцыі

Грамадства

Такое рознае малако... Каму якое падыходзіць?

Такое рознае малако... Каму якое падыходзіць?

«Малако — паўнавартасны прадукт харчавання, а не напой, гэта важна ўлічваць».