Вы тут

У Сіньцзяне пачалі перакідванне вады ў раку Тарым


У рамках праекта па экалагічнай ахове, які здзяйсняецца ў Сіньцзян-Уйгурскім аўтаномным раёне (СУАР, Паўночна-Заходні Кітай), пачалося перакідванне вады з вадасховішча ў самую доўгую ў краіне ўнутрыкантынентальную раку Тарым, працягласць якой складае 1321 кіламетр, перадае «Сіньхуа».


Вада з адкрытых шлюзаў вадасховішча Дасіхайцзы хлынула ў раку Тарым, якая працякае ўздоўж паўночнай ускраіны маланаселенай Тарымскай упадзіны. Як паведамілі ў адміністрацыі басейна ракі Тарым, з моманту запуску праекта ў 2000 годзе цяперашняя перакідка вады стала ўжо 25-й па ліку. На працягу найбліжэйшых 15 дзён у Тарым плануецца перакінуць 20 мільёнаў кубаметраў вады, а другая стадыя перакідкі будзе запушчана гэтым летам.

Нагадаем, што ў перыяд з 2000-га да 2023-ці гады ў ніжняе цячэнне ракі Тарым было перакінута амаль 9,83 мільярда кубаметраў вады. За мінулыя дзесяцігоддзі выкарыстанне вады для сельскагаспадарчых патрэб у сярэднім і верхнім цячэннях ракі Тарым згубна адбілася на ўзроўні вады ў рацэ. Да 1970-х гадоў ніжняе цячэнне высахла, а дрэвы ўздоўж яе берагоў амаль зніклі.

Дадзеныя, сабраныя падчас рэалізацыі праекту, сведчаць аб тым, што перыядычныя перакідванні вады прадухілілі далейшую экалагічную дэградацыю ў нізоўях ракі. Узровень грунтавых вод павысіўся, прыкметна вырасла папуляцыя і разнастайнасць дзікіх жывёл і раслін.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?