Першы ў Кітаі гарадскі цягнік, які працуе на вадародзе, завяршыў у выпрабаванні на хуткасці 160 кіламетраў у гадзіну з поўнай нагрузкай, што стала новым прарывам у прымяненні вадароднай энергіі ў галіне рэйкавага транспарту, перадае «Сіньхуа».
Тэсты для цягніка, самастойна распрацаванага кампаніяй CRRC Changchun Railway Vehicles Co., Ltd., якая базуецца ў горадзе Чанчунь (правінцыя Цзылінь, Паўночна-Усходні Кітай), адбыліся на выпрабавальным трэку, што належыць кампаніі. У ходзе выпрабаванняў была праведзена поўнасістэмная, поўнасцэнарная і шматузроўневая праверка характарыстык і параметраў.
У адрозненне ад традыцыйных мадэляў цягнікоў, якія працуюць на выкапнёвых відах паліва або ад кантактнай сеткі для забеспячэння электрасілкаваннем, новы гарадскі цягнік, які прайшоў выпрабаванні, аснашчаны ўбудаванай сістэмай сілкавання на вадароднай энергіі, якая забяспечвае магутную і ўстойлівую крыніцу энергіі для работы гэтага транспартнага сродку. Максімальная далёкасць ходу новага цягніка складае больш за тысячу кіламетраў.
Выпрабаванні паказалі, што сярэдні расход энергіі на кіламетр для гэтага цягніка складае 5 кілават-гадзін, што адпавядае вядучаму міжнароднаму ўзроўню.
Супрацоўнікі Мінпрыроды расказалі, якая карысць ад дрэў у горадзе.
Восень для спецыялістаў аграрнай галіны — час падводзіць вынікі, і сёлета яны годныя.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
