Вы тут

Суперфінал «Фактар.by 60+» — заўтра


У вячэрнім эфіры тэлеканала «Беларусь 1» гледачоў чакае суперфінал музычнага шоу «Фактар.by 60+», у якім за перамогу будуць змагацца чацвёра ўдзельнікаў.


На працягу шасці тыдняў артысты — а да этапу тэлекастынгаў праекта ўдалося дайсці 23 удзельнікам — дзяліліся сваімі яркімі і патаемнымі гісторыямі з жыцця, а таксама дарылі гледачам незабыўныя музычныя нумары, дэманструючы, што сапраўдны талент у любым узросце здолее заявіць пра сябе. І вось настаўнікі ўжо зрабілі свой выбар, і суперфіналісты вызначаны. Імі сталі Ілья Астроў, Марк Штарнеўскі, Віктар Гушча і Інэса Парфенчык. А ацэньвалі ўдзельнікаў, нагадаем, Уладзімір Бярэзін, Вікторыя Алешка, Аляксандра Гайдук і Аляксандр Саладуха. Няспынна падтрымлівалі ўдзельнікаў і вядучыя шоу Алена Спірыдовіч і Павел Лазовік.

Дарэчы, праект за час сваёй прысутнасці ў эфіры быў па пятніцах абсалютным лідарам прайм-тайму з доляй 16,4 %, а яго рэйтынг склаў 3 %. І, відаць, галоўная таму прычына, што «Фактар.by 60+» — гэта па-сапраўднаму сямейнае шоу, героямі якога з’яўляюцца людзі, якія праз усё жыццё нясуць у сэрцы любоў да музыкі і творчасці. І іх галасы, харызма і энергія знаходзяць водгук у глядацкай аўдыторыі. Таму не прапусціце суперфінал гэтага яркага праекта і падтрымайце яго ўдзельнікаў за крок да перамогі!

А больш інфармацыі вы заўсёды можаце знайсці на сайце Белтэлерадыёкампаніі, у эфіры «Беларусь 1» і каналаў Беларускага радыё альбо ў Telegram-канале Агенцтва тэленавін ATN_NEWS.

Алена ДРАПКО

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.