Вы тут

У Акадэміі МУС адбылася перадача экзэмпляра Навукова-практычнага каментара да Канстытуцыі Беларусі


Начальнік Акадэміі МУС Аляксандр Васільеў паведаміў, што па запрашэнні Старшыні Канстытуцыйнага Суда Рэспублікі Беларусь Пятра Міклашэвіча, напярэдадні Дня Канстытуцыі і 30-годдзя Асноўнага Закона Беларусі, ВНУ быў аказаны высокі гонар прыняць удзел у прэзентацыі Навукова-практычнага каментара да Канстытуцыі Рэспублікі Беларусь.


«Маштабная па сваім змесце і выніках праца аўтарскага калектыву заслугоўвае самай высокай ацэнкі, — падкрэсліў ён. — Вядомыя ў краіне вучоныя і дзяржаўныя дзеячы падрыхтавалі гэты каментар з мэтай дакладнага і даступнага тлумачэння грамадзянам сэнсу канстытуцыйных палажэнняў, асаблівасцяў іх ажыццяўлення. Адзін экзэмпляр выдання перададзены акадэміі. Гэта сведчыць аб прызнанні нашых заслуг у падрыхтоўцы юрыдычных кадраў і высокім навуковым патэнцыяле нашай установы адукацыі».

Аляксандр Васільеў паведаміў, што над каментаром працавалі і былыя супрацоўнікі міліцэйскай ВНУ — цяпер суддзі Канстытуцыйнага Суда Рэспублікі Беларусь Станіслаў Данілюк і Сяргей Чыгрынаў. «Будучы ўпэўненымі ў тым, што маладое пакаленне праваахоўнікаў будзе з гонарам абараняць канстытуцыйныя прынцыпы і каштоўнасці, забяспечваць законнасць і правапарадак, прынята рашэнне перадаць ганаровы экзэмпляр каментара ў музей Акадэміі МУС», — звярнуў увагу кіраўнік навучальнай установы.

Каментар будзе выкарыстаны прафесарска-выкладчыцкім складам і навучэнцамі для тлумачэння палажэнняў Канстытуцыі, ведання сваіх канстытуцыйных правоў, свабод і абавязкаў, а таксама разумення неабходнасці няўхільнага захавання канстытуцыйных норм у сваім паўсядзённым жыцці і прафесійнай дзейнасці.

У найбліжэйшы час выданне папоўніць бібліятэчныя фонды факультэтаў і кафедраў Акадэміі МУС.

Фота прэс-службаў Канстытуцыйнага суда і Акадэміі МУС

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».