Вы тут

Дыялог пісьменнікаў з грамадствам


Сёння, а 15-й гадзіне, у Адміністратыўным комплексе па праспекце Пераможцаў, 14 пачне сваю працу Міжнародны сімпозіўм літаратараў «Пісьменнік і час. Партнёрства ў імя будучыні». Гэта сустрэча пісьменнікаў розных краін у фармаце анлайн і афлайн па традыцыі праводзіцца ў пярэдадзень Мінскай міжнароднай выстаўкі-кірмашу. Арганізатары сімпозіўму — Міністэрства інфармацыі і Саюз пісьменнікаў Беларусі. Сёлета паэты, празаікі, літаратуразнаўцы, публіцысты сустракаюцца ў Мінску дзясяты раз. 


Удзельнікамі ранейшых сімпозіўмаў былі пісьменнікі Кітая, Расійскай Федэрацыі, Туркменістана, Манголіі, Азербайджана, Арменіі, Таджыкістана, Узбекістана, іншых краін свету. Сваімі развагамі пра літаратуру і жыццё дзяліліся Юрый Палякоў, Юрый Салаўёў, Юрый Казлоў, Роберт Мінулін, Святлана Ананьева, Ато Хамдам і шмат хто яшчэ. 

Тэма сёлетніх дыскусій, публіцыстычных асэнсаванняў падзей у свеце — «Партнёрства ў імя будучыні». З прывітальным словам да ўдзельнікаў сімпозіўма звернецца ганаровы старшыня Саюза пісьменнікаў Беларусі, народны пісьменнік Беларусі Мікалай Чаргінец. 

Сяргей ШЫЧКО

Фота: Віктар ІВАНЧЫКАЎ

Выбар рэдакцыі

Рэгіёны

Што абмяркоўвалі на нарадзе органаў мясцовага самакіравання Брэстчыны ў Пінскім раёне?

Што абмяркоўвалі на нарадзе органаў мясцовага самакіравання Брэстчыны ў Пінскім раёне?

Добраўпарадкаванне населеных пунктаў і навядзенне парадку на зямлі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.