Вы тут

У Кітаі адзначылі «лунтантоў»


У другі дзень другога месяца па месяцовым календары, які сёлета выпаў на 11 сакавіка, у Кітаі адзначылі свята «лунтайтоў», што даслоўна перакладаецца як «дракон паднімае галаву», перадае «Жэньмінь жыбаа» анлайн»


Падобны пераклад адсылае нас да адной кітайскай легенды. Свята адзначалася яшчэ ў старажытным Кітаі і цесна звязана з Нябесным драконам — уладаром дажджоў. Лічылася, што на зіму ён засынае, а другога чысла другога месяца прачынаецца. Такім чынам, «дракон паднімае галаву», што ўвасабляе абуджэнне Нябеснага дракона пасля доўгага зімовага сну.

На гэты конт існуюць розныя павер’і і прыкметы. Лічылася, што калі дракон Неба прачынаецца ў добрым настроі, значыць ён падаруе людзям моцныя дажджы, а тыя, у сваю чаргу, прынясуць багаты ўраджай і наступны год будзе спакойным і сытым. А вось калі дракон будзе ў дрэнным настроі, то дажджоў людзям не ўбачыць, пасевы загінуць, а ў краіне пачнецца голад.

Гэта, як кажуць, афіцыйная версія, якую падзяляе большасць крыніц. Існуюць яшчэ як мінімум тры варыяцыі гэтай легенды. Згодна першай, Нябесны дракон пасля доўгай засухі ў Кітаі падараваў людзям дождж. Даведаўшыся пра гэта, Нябесны імператар затачыў дракона пад гару, адкуль ён толькі раз у год мог " падымаць галаву«, каб зноў паслаць жыхарам дажджы.

Другая легенда аб свяце распавядае, што ў Цэнтральным Кітаі была страшная засуха. Даведаўшыся аб пакутах людзей, Нефрытавы ўладыка вырашыў дапамагчы і адправіў Нябеснага дракона прынесці жыхарам дождж. Але замест гэтага той вырашыў выкупацца ў рэчцы, пакуль людзі працягвалі маліць аб дажджах. Другога чысла другога месяца адважны воін выклікаў дракона на бой і атрымаў перамогу. Толькі пасля гэтага дракон дапамог мясцовым жыхарам.

Ну і паводле трэцяй легенды, калі да ўлады ў Кітаі прыйшла У Цзэцянь, жанчына-імператар, Нябесны ўладыка разгневаўся. Ён наслаў на людзей трохгадовую засуху. Але Дракон пашкадаваў людзей і падараваў ім дождж у другігі дзень другога месяца. За такі ўчынак Нефрытавы імператар затачыў дракона пад гару і ўсталяваў побач з яго вязніцай дошку з каменя, якая абвяшчала «Нябесны дракон пайшоў супраць маёй волі і будзе ў зняволенні пакуль бабы не зацвітуць золатам». Праз нейкі час сяляне, якія апрацоўвалі зямлю, знайшлі незвычайныя жоўтыя зерні, яны іх пасмажылі і атрыманыя страва (аналаг сучаснага папкорна) вельмі спадабалася людзям. Так у Кітаі пачалася апрацоўка кукурузы, а пакаранне для дракона скончылася, бо і сапраўды зацвілі на палях золатам «бабы». Усе гэтыя легенды аб’ядноўвае тое, што ў другі дзень другога месяца людзі чакаюць пачатку сезона дажджоў і калі гэта адбываецца, значыць год будзе ўрадлівым і ўдалым. 

Як і практычна любое іншае свята ў Кітаі, «лунтайтоў» мае ўласныя фірмовыя стравы. У гэты дзень гатуюць стравы, у назве якіх ёсць іерогліф «дракон». Таму ў гэты дзень можна есці локшыну (але называць яе трэба «драконавымі вусамі»), рыс («ікру дракона»), пельмені («вушы дракона»), бліны («драконавую луску»).

У сезон «лунтайтоў» усё вакол напаўняецца новымі жыццёвымі сіламі, і пачынаецца вясновая ворыва. Людзі спадзяюцца, што ў гэтым годзе надвор’е будзе спрыяльным для багатага ўраджаю. 

У час святкавання праводзіцца мноства розных мерапрыемстваў. Паводле традыцыі, менавіта ў гэты дзень упершыню пасля наступлення Новага года па месяцовым календары, чалавеку можна падстрыгчыся — гэта прынясе дабрабыт і поспех. Таму цырульні па ўсім Кітаі працуюць ад цямна да цямна.

Мікалай ЛІТВІНАЎ

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.