Вы тут

Якімі падзеямі запомніўся рабочы тыдзень сенатараў?


Старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Ірына Старавойтава правяла рабочую нараду па пытаннях падрыхтоўкі тэматычных секцый у рамках ХІ Форуму рэгіёнаў Беларусі і Расіі, які пройдзе ў чэрвені ў Віцебску, Полацку і Наваполацку. За Пастаяннай камісіяй па адукацыі, навуцы, культуры і сацыяльным развіцці замацаваны тры секцыі: «Інавацыйная медыцына і фармацыя ў Саюзнай дзяржаве: прыярытэтныя напрамкі і перспектывы развіцця»; «Інавацыі ў сферы вышэйшай адукацыі і навуцы: вопыт і перспектывы супрацоўніцтва Саюзнай дзяржавы»; «Культурна-гуманітарнае супрацоўніцтва і развіццё турызму як фактар умацавання ўзаемадзеяння рэгіёнаў Беларусі і Расіі». Абмеркаваны канцэпцыя арганізацыі і правядзення секцый, тэматыка выступленняў асноўных дакладчыкаў з улікам двухбаковага супрацоўніцтва з Расійскай Федэрацыяй, склад удзельнікаў, а таксама прапановы па правядзенні тэматычных выставак.


Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў правёў асабісты прыём грамадзян. У ходзе асабістага прыёму разгледжаны пытанні, якія датычацца правапрымяняльнай практыкі артыкула 328 Крымінальнага кодэкса Рэспублікі Беларусь «Незаконны абарот наркатычных сродкаў, псіхатропных рэчываў, іх прэкурсораў і аналагаў» і некаторыя прапановы грамадзян па міжнароднай тэматыцы. Парламентарыем дадзены неабходныя растлумачэнні грамадзянам і накіраваны адпаведныя даручэнні зацікаўленым.


Намеснік старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці, дырэктар сярэдняй школы № 14 г. Маладзечна Каліна Капуцкая правяла прамую тэлефонную лінію для жыхароў Маладзечанскага, Мядзельскага і Вілейскага раёнаў. Ад жыхароў з Маладзечна паступілі звароты аказаць садзейнічанне ў спілоўцы дрэва каля жылога дома, у ямачным рамонце вуліц Замкавая і Маладзёжная. Усе пытанні і прапановы былі ўважліва выслуханы і перададзены для разгляду ў адпаведныя службы. Акрамя просьбаў, былі званкі з падзякамі. 88-гадовы жыхар Маладзечна Дзмітрый Салагуб выказаў удзячнасць сенатару за ўвагу і выкананне абяцанняў па рамонце вулічнага асвятлення. Бацькі студэнткі БДПУ дзякавалі за аказанне садзейнічання ў выдзяленні інтэрната ў студэнцкім гарадку. «Тэматыка зваротаў застаецца нязменнай, — заўважыла Каліна Капуцкая. — Пытанні, з якімі звяртаюцца грамадзяне, датычацца працы сістэмы жыллёва-камунальнай гаспадаркі і ў цэлым жыццядзейнасці людзей. Падчас прамой тэлефоннай лініі ніводнае пытанне не застаецца без увагі. Звароты, якія патрабуюць дадатковага разгляду, узяты пад асабісты кантроль».

Вераніка КАНЮТА

Фота: БелТА

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.