Вы тут

Лукашэнка: Пры любых умовах дзяржава і надалей будзе падтрымліваць мацярынства і дзяцінства


Пры любых умовах дзяржава і надалей будзе падтрымліваць мацярынства і дзяцінства. Аб гэтым Прэзідэнт Беларусі Аляксандр Лукашэнка заявіў на сустрэчы з актывам Беларускага саюза жанчын, перадае БелТА.


«Ведаю, усіх маці і тых, хто рыхтуецца імі стаць, хвалюе пытанне, ці будзе дзяржава і далей падтрымліваць мацярынства і дзяцінства. Вы правільна адчуваеце сутнасць гэтага пытання — гэта вельмі нятанная справа. Мы самая сацыяльная дзяржава. У нас дзясяткі льгот для насельніцтва. Смею запэўніць, пры любых умовах і абставінах наша дзяржава будзе несці гэту нагрузку.У поўным аб’ёме і, калі трэба, за межамі гэтых аб’ёмаў. Будуць выплачвацца з тэндэнцыяй да росту дзіцячыя дапаможнікі, ніхто не замахваецца на водпускі па догляду за дзіцем, мы адшукаем патрэбныя сродкі, каб дзіцячая медыцына ішла ў нагу з сусветнай (мы блізкія да гэтага), а дзіцячыя аздараўленчыя цэнтры былі ўзорам для пераймання», — сказаў Аляксандр Лукашэнка.

У той жа час Прэзідэнт звярнуў увагу, што дапамога дзяржавы, несумненна, вельмі важная, але не менш важная для кожнай жанчыны — падтрымка мужчыны.

«Таму што мужчына ў сям’і — гэта не толькі матэрыяльнае забеспячэнне, але найперш надзейнае плячо ў хатніх абавязках. Прывучайце да гэтага мужыкоў, каб яны штодня і штогадзіны ўдзельнічалі ў выхаванні дзіцяці. Не толькі хлопчыка, але і дзяўчынкі. Дарэчы, па вашай прапанове ўсталявана новае свята — Дзень бацькі (21 кастрычніка). Ён натуральным чынам увайшоў у нашае жыццё. І гэта яшчэ адно пацвярджэнне, што мы робім многае, калі не ўсё, правільна», — адзначыў кіраўнік дзяржавы.

Прэв'ю: БелТА

Выбар рэдакцыі

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.

Здароўе

Як мыць садавіну, гародніну і зеляніну, каб не атруціцца?

Як мыць садавіну, гародніну і зеляніну, каб не атруціцца?

«Апрацоўваць гародніну і садавіну сродкам для мыцця посуду нельга».

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».