Вы тут

«Ілюзія кахання» для Мікалая Калядкі


Мікалай Калядка быў дырыжорам-пастаноўшчыкам шэрагу спектакляў у Нацыянальным акадэмічным Вялікім тэатры Беларусі — ён працаваў над операмі і балетамі. І літаральна напрыканцы 2023 года ў тэатры адбылася прэм’ера, да якой быў датычны дырыжор: балет «Ілюзіі кахання» ў пастаноўцы галоўнага балетмайстара Ігара Колба. А 21 лютага чарговы паказ спектакля быў прысвечаны яго дырыжорупастаноўшчыку. Для таго каб адзначыць творчы юбілей — 45 гадоў у тэатры, — быў абраны менавіта той спектакль, у якім Мікалай Калядка працуе не толькі ў аркестравай яме, яго роля тут асаблівая. Нават асобная...


Мікалай Калядка

«Ілюзіі кахання» — адмысловая гісторыя для тэатра. Балетмайстар сам прыдумаў лібрэта пра Дзяўчыну, захопленую танцам, стварыў харэаграфію спектакля, для якога выкарыстана музыка трох вельмі розных аўтараў — Дзмітрыя Шастаковіча, Фрэдэрыка Шапэна і сучаснага беларускага кампазітара Ле¬аніда Шырына. Але як жа можна аб’яднаць у адной пастаноўцы — розныя эпохі, розны настрой, розныя эмоцыі?.. У гэтым і ёсць задача дырыжора-пастаноўшчыка. А для гледача звышзадача — дайсці да думкі скрозь безліч розных эпізодаў, якія развіваюц¬ца як на сцэне, так і з выхадам у залу — і вось тут можна пабачыць Мікалая Калядку ў ролі дырэктара тэатра, куды прыходзіць галоўная гераіня. Эфектна. 

І яшчэ ў дырыжора ёсць прывілея — атрымліваць порцыю авацый напрыканцы спектакля. Асабліва калі гэта той балет, які прыцягвае неардынарным выбарам музыкі: прынамсі, тут можна пачуць Шастаковіча, балетаў паводле твораў якога ў Вялікім дагэтуль не было. Ну, і драматычны Шапэн — заўсёды прыемна паслухаць, і сучасны Шырын — цікава, што ства¬раюць нашы кампазітары. Розныя людзі, прыйшоўшы на балет, могуць атрымаць сваю порцыю ўражанняў: ад музыкі, якую выконвае аркестр, ад візуальнага раду, ад сустрэчы з любімымі выканаўцамі. Але дырыжорпастаноўшчык павінен арганічна злучыць розныя музычныя часткі і эпізоды, дапамагаючы стварыць адзіную карціну. 

Сцэна з балета «Ілюзія кахання»

Рабіць гэта заслужаны дзеяч мастацтваў Рэспублікі Беларусь і ўладальнік медаля Францыска Скарыны Мікалай Калядка ўмее. Ураджэнец Любані, ён скончыў Мінскае музычнае вучылішча імя Міхаіла Глінкі, а па заканчэнні паступіў у Маскоўскі інстытут імя Гнесіных, вучыўся на факультэце народных інструментаў, займаўся дырыжыраваннем. Акрамя таго, была вучоба ў Літоўскай дзяржаўнай кансерваторыі. Як дырыжор пачаў працаваць на радзіме ў Дзяржаўным народным аркестры БССР. У Вялікім тэатры Беларусі — з 1979 года. А яшчэ перадае веды моладзі — больш за 30 гадоў Мікалай Сяргеевіч выкладае ў Беларускай дзяржаўнай акадэміі музыкі на кафедры аркестравага дырыжыравання. Яго вучні ўжо таксама навідавоку, працуюць на беларускую культуру. Як іх настаўнік робіць гэта ўсё жыццё. За што і пашана. 

Ларыса ЦІМОШЫК 

Фота з сайта Вялікага тэатра

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.