Вы тут

Перакладчык Коласа стаў народным пісьменнікам Чачні


Адам Ахматукаеў у нядаўнім часе не аднойчы наведваўся ў Беларусь. Удзельнічаў у розных творчых праектах, якія традыцыйна ладзіла Міністэрства інфармацыі Рэспублікі Беларусь, Саюз пісьменнікаў Беларусі і Выдавецкі дом «Звязда». Пазнаёміўшыся з беларускімі калегамі-пісьменнікамі, паэт і перакладчык падрыхтаваў і выдаў у Грозным кнігу беларускай паэзіі на чачэнскай мове, дзе разам паяднаў пераўвасабленні твораў класікаў і сучаснікаў. І ў Мінску выйшла кніга паэзіі Адама Ахматукаева на беларускай мове ў серыі «Сябрына: паэзія народаў Расіі». Перакладчыкам выступіў Міхась Пазнякоў. 


Днямі ў Грозным прынята рашэнне аб наданні паэту, перакладчыку Адаму Ахматукаеву звання «Народны пісьменнік Чачэнскай Рэспублікі». 

Па-ранейшаму чачэнскі літаратар уважлівы да беларускай літаратуры, да беларускай паэзіі. За апошні час у чачэнскіх газетах і часопісах з’явілася некалькі публікацый перакладзеных Адамам Ахматукаевым вершаў і нават паэм народных песняроў нашай Айчыны Якуба Коласа і Янкі Купалы. У адказ на віншаванні з Беларусі з высокім званнем, высокай ацэнкай творчасці чачэнскі творца заўважыў:

— Любоў да Беларусі, беларускай літаратуры носіць у мяне бязмежны характар. А што датычыцца перакладчыцкіх памкненняў, то я вылучаю ўвагу да класічнай паэзіі. З асаблівым піетэтам стаўлюся да творчасці Якуба Коласа і Янкі Купалы. Коласаўскія вершы «Родныя вобразы», «Не бядуй!», купалаўскія «Санеты» увогуле ўзрушылі мяне, захапілі настолькі, што ўжо і як даследчык я пачаў цікавіцца беларускай літаратуры першай паловы XX стагоддзя. 

Сяргей ШЫЧКО

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.