Вы тут

Галоўчанка аб задачах у ЕАЭС да 2025 года


Прэм’ер-міністр Беларусі Раман Галоўчанка на сустрэчы са старшынёй Калегіі Еўразійскай эканамічнай камісіі Бакытжанам Сагінтаевым абазначыў задачы, якія трэба вырашыць у рамках ЕАЭС да 2025 года, перадае БелТА.


«У нас ёсць шэраг задач, якія мы павінны вырашыць у кантэксце еўразійскай інтэграцыі да 2025 года. Гэта дастаткова складаныя пытанні, у іх ліку інтэграцыйнае ўзаемадзеянне ў сферы энергетыкі, энергетычнай бяспекі. Таксама даволі напружаная тэма — тэхнічнае рэгуляванне. Нам трэба абараняць рынак ЕАЭС ад прадукцыі з трэціх краін, асабліва з непацверджанай бяспекай. У СМІ часта паведамляюць аб выяўленні няякасных тавараў, якія трапляюць на наш агульны рынак і потым бесперашкодна перамяшчаюцца. Гэта пытанне ў першую чаргу здароўя і бяспекі нашых грамадзян», — сказаў Раман Галоўчанка.

Паводле яго слоў, на гэтым фоне зацягванне прыняцця некаторых тэхнічных рэгламентаў — не вельмі дапушчальная сітуацыя. «На мой погляд, Камісіі ЕЭК трэба праяўляць тут большую прынцыповасць», — падкрэсліў прэм’ер-міністр.

Акрамя таго, важнае пытанне — афармленне электронных пашпартоў самаходных машын і іншых відаў тэхнікі. «Прыняты план мерапрыемстваў па ўдасканаленню структуры сістэмы электронных пашпартоў. Ёсць рознае разуменне ў бакоў гэтага працэсу, як далей рухацца. Мы ўпэўнены, што трэба дакладна выканаць план, які прыняты па ўдасканаленню гэтай структуры», — заявіў Раман Галоўчанка.

Прэм’ер-міністр таксама адзначыў, што ў ЕАЭС «крыху адышлі» ад пытання біялагічнай бяспекі. Казахстан раней выступаў, каб гэтая тэма разглядалася ў рамках АДКБ. На думку кіраўніка беларускага ўрада, найбольш правільная пляцоўка для вырашэння гэтай задачы — гэта ЕАЭС. «Мы не павінны адкідаць гэта пытанне. Мы яшчэ з 2021 года гаварылі аб гэтым, але пакуль рашэнне не знойдзена. У тым ліку актыўнай работы і ў рамках АДКБ не вядзецца. Мне здаецца, трэба ўзяць гэта пытанне ў свае рукі», — акцэнтаваў увагу ён.

Што да лічбавага парадку дня ў ЕАЭС, Раман Галоўчанка адзначыў, што гэта той інструментарый, той механізм, які закліканы на справе рэалізаваць дамоўленасці аб бясшвовых транзакцыях, руху тавараў, паслуг, грузаў і г.д. «На жаль, працэсы таксама даволі глейка ідуць. Колькасць агульных працэсаў, да якіх падключаны ўсе краіны, невысока — каля чвэрці. Трэба рухацца ў гэтым напрамку», — падкрэсліў ён.

«Прамысловая кааперацыя — той практычны складальнік нашай еўразійскай інтэграцыі, дзе краіны-ўдзельніцы змогуць поўнасцю раскрыць свой патэнцыял. Рашэнні па фінансавай падтрымцы такіх ініцыятыў ужо прыняты, — сказаў прэм’ер-міністр. — У прыватнасці, Беларуссю ініцыяваны праект па стварэнню еўразійскага электробуса. Яго можна рэалізаваць у кароткі тэрмін і паказаць на справе магчымасці нашай інтэграцыі ў прамысловасці. Гэта адна з галоўных мэт, дзеля якой ствараўся наш саюз».

Фота: БелТА

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.