Вы тут

Няўжо зіма сапраўды адступіла?


У найбліжэйшыя дні ў большасці раёнаў краіны будуць адзначацца дажджы. Пры ваганнях тэмпературнага фону месцамі ўтвараюцца слабыя туман і галалёд, не моцныя, але ўсё ж такі, трэба мець гэта на ўвазе, лічаць у Белгідрамеце.


У пятніцу часам будуць ападкі. На асобных участках дарог — галалёдзіца. Тэмпература паветра днём плюс 3–8 градусаў, па поўдні — да 10 цяпла. І ў суботу ноччу на большай частцы тэрыторыі, днём месцамі па краіне чакаюцца кароткачасовыя дажджы. Ноччу і раніцай у асобных раёнах слабы туман, на асобных участках дарог — галалёдзіца. Удзень месцамі ўзмацненне ветру парывамі да 15–20 м/с. Тэмпература паветра ўначы ад плюс 1 градуса да 6 цяпла, удзень — плюс 7–14. Па паўночным усходзе чакаецца 4–6 цяпла.

У нядзелю на большай частцы тэрыторыі дажджы. Уначы ў асобных раёнах узмацненне ветру парывамі да 15–18 м/с. Тэмпература паветра ўначы будзе вагацца ад плюс 2 да плюс 7 градусаў, удзень — 4–10 цяпла, на захадзе краіны — да плюс 12 градусаў.

У панядзелак ноччу на большай частцы тэрыторыі, днём месцамі па краіне чакаюцца кароткачасовыя ападкі, у асноўным дождж. Ноччу і раніцай у асобных раёнах слабыя туман і галалёд, на дарогах галалёдзіца. Уначы сіноптыкі абяцаюць мінус 1 — плюс 6 градусаў, удзень — 3–9 цяпла. У паўднёва-заходніх раёнах прагназуецца да плюс 10–12 градусаў.

Згодна з папярэднім прагнозам айчынных сіноптыкаў, у далейшым наша краіна апынецца на перыферыі маларухомага антыцыклону з цэнтрам над сярэдняй Волгай. Надвор’е возьме курс на паступовае паляпшэнне, але разам з гэтым тэмпературны фон трохі панізіцца. Начныя мінімумы ўжо стануць вагацца ад 5 градусаў марозу па ўсходзе да 5 градусаў цяпла па захадзе краіны. Дзённыя тэмпературныя максімумы складуць да 8 цяпла, а па паўднёвым захадзе будзе на 1–2 градусы цяплей.

Такім чынам, у аўторак-сераду месцамі, пераважна па захадзе краіны, будуць невялікія кароткачасовыя ападкі, у асноўным дождж. Ноччу і раніцай у асобных раёнах слабыя туман і галалёд, на дарогах галалёдзіца. Тэмпература паветра ўначы ад мінус 5 па ўсходзе да плюс 5 па захадзе краіны, днём — ад плюс 1 да плюс 8 градусаў, па паўднёвым захадзе — да 10 цяпла.

Сяргей КУРКАЧ

Выбар рэдакцыі

Грамадства

Больш за 100 прадпрыемстваў прапанавалі вакансіі ў сталіцы

Больш за 100 прадпрыемстваў прапанавалі вакансіі ў сталіцы

А разам з імі навучанне, сацпакет і нават жыллё.

Эканоміка

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Беларусь — адзін з сусветных лідараў у галіне здабычы і глыбокай перапрацоўкі торфу.

Грамадства

Адкрылася турыстычная выстава-кірмаш «Адпачынак-2024»

Адкрылася турыстычная выстава-кірмаш «Адпачынак-2024»

«Мы зацікаўлены, каб да нас прыязджалі».