Вы тут

Аддзяленне анестэзіялогіі і рэанімацыі адкрылі пасля рамонту ў Віцебску


У Віцебскай гарадской клінічнай бальніцы нумар 1 пасля рамонту адкрылі аддзяленне анестэзіялогіі і рэанімацыі, перадае БелТА. Абноўленае аддзяленне анестэзіялогіі і рэанімацыі разлічана на 9 ложкаў. Яно размешчана на месцы былога кардыялагічнага аддзялення. Пераезд са старой рэанімацыі ў абноўленыя і больш прасторныя памяшканні дазволіў дадаткова размясціць у аддзяленні кабінеты трансфузіялагічнай дапамогі і гемосорбцыі і плазмаферэзу.


Фота: БелТА

На рамонт аддзялення зрасходавана больш як Br400 тыс. з абласнога бюджэту. Яно поўнасцю ўкамплектавана сучасным медыцынскім абсталяваннем. Тут ёсць транспартны і стацыянарны апараты штучнай вентыляцыі лёгкіх (ШВЛ), лінеаматы, маніторы, аналізатары газаў крыві і электралітаў, а таксама іншая неабходная медыцынская тэхніка. Для камфорту пацыентаў і персанала ўстаноўлена медыцынская і бытавая мэбля.

У прасторнай палаце на шэсць ложкаў ёсць свой пост медсясцёр, які працуе кругласутачна. За пацыентамі назіраюць у рэжыме 24/7 і пры неабходнасці аказваюць экстраную дапамогу. Неўзабаве на пасадзе будуць даступны і электронныя гісторыі хвароб пацыентаў. Таксама яшчэ тры ложкі размешчаны ў прыёмным аддзяленні і там размяшчаюць пацыентаў у цяжкім стане.

Як адзначыў выконваючы абавязкі галоўнага ўрача бальніцы Яўген Кулякін, дзякуючы рамонту аддзялення анестэзіялогіі і рэанімацыі значна палепшыліся ўмовы для знаходжання пацыентаў і работы медперсаналу, істотна павысілася якасць аказання медыцынскай дапамогі насельніцтву.

«Змяненні, якія адбываюцца ў гэтай бальніцы, упэўнены, планамерныя. Трэба рухацца ў гэтым напрамку і рабіць умовы лепшымі як для калектыву, так і пацыентаў», — падкрэсліў намеснік старшыні Віцебскага аблвыканкама Вячаслаў Дурноў, які ўдзельнічаў у адкрыцці аддзялення, і падзякаваў персаналу за дастойную работу і імкненне да развіцця.

Выбар рэдакцыі

Грамадства

Больш за 100 прадпрыемстваў прапанавалі вакансіі ў сталіцы

Больш за 100 прадпрыемстваў прапанавалі вакансіі ў сталіцы

А разам з імі навучанне, сацпакет і нават жыллё.

Эканоміка

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Беларусь — адзін з сусветных лідараў у галіне здабычы і глыбокай перапрацоўкі торфу.

Грамадства

Адкрылася турыстычная выстава-кірмаш «Адпачынак-2024»

Адкрылася турыстычная выстава-кірмаш «Адпачынак-2024»

«Мы зацікаўлены, каб да нас прыязджалі».