Вы тут

З кнігамі — у гімназію Ляхавіч


На Берасцейшчыне заўжды з пашанай ставяцца да беларускай кнігі, да мастацкага слова. Пацверджаннем таму і творчая гадзіна, што прайшла ў гімназіі горада Ляхавічы. На сустрэчу з вучнямі і настаўнікамі прыйшоў старшыня Саюза пісьменнікаў Беларусі, дырэктар — галоўны рэдактар Выдавецкага дома «Звязда» Алесь Карлюкевіч. 


Гімназісты добра падрыхтаваліся да размовы з літаратарам, задавалі даволі шмат пытанняў, іх цікавіла і ўласная творчасць пісьменніка, і тое, якімі творамі вызначаецца сучасная беларуская літаратура. Прыемна ўразіла на сустрэчы добрае веданне навучэнцамі беларускай мовы, роднай літаратуры. 

Алесь Карлюкевіч расказаў пра свае краязнаўчыя кнігі — «Родныя сляды», «Пуцявінамі зорак», «І марам волю дам», пра тыя творчыя абсягі, якія яго цікавяць. На сустрэчы гучалі імёны сучасных паэтаў і празаікаў: Алеся Бадака, Андрэя Федарэнкі, Віктара Шніпа і шмат яшчэ каго. Дарэчы, ураджэнец Ляхавіччыны дырэктар выдавецтва «Мастацкая літаратура» Алесь Бадак не аднойчы наведваўся ў гімназію. 

Удзельнікі сустрэчы атрымалі магчымасць і падпісаць аўтографы на розных кнігах пісьменніка. А таксама шэраг выданняў пісьменнік падараваў гімназічнай бібліятэцы, у тым ліку — і кнігі серыі «Бібліятэка Саюза пісьменнікаў Беларусі», адно з выданняў рамана народнага пісьменніка Беларусі, ганаровага старшыні Саюза пісьменнікаў Беларусі Мікалая Чаргінца «А ён не вярнуўся з бою». 

— Мы лічым, што мастацкая літаратура з’яўляецца часткай творчага і патрыятычнага выхавання навучэнцаў, — пракаменціравала сустрэчу дырэктар гімназіі Таісія Шыбун. — І вельмі спадзяёмся на падтрымку Саюза пісьменнікаў Беларусі ў арганізацыі розных літаратурных мерапрыемстваў. Асабліва добра было б папрацаваць з гімназістамі малодшых класаў. Яны вельмі чуйна ставяцца да добрых кніг, ведаюць творчасць сучасных дзіцячых пісьменнікаў. 

Была дасягнута дамоўленасць, што ў бліжэйшы час у Ляхавічах пройдуць творчыя сустрэчы з Кацярынай Хадасевіч-Лісавой, Паўлам Гушынцом, іншымі пісьменнікамі, якія актыўна працуюць у галіне дзіцячай літаратуры і з’яўляюцца аўтарамі Выдавецкага дома «Звязда». 

Раман СЭРВАЧ

Фота з сацыяльных сетак Ляхавіцкай гімназіі

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.