Вы тут

Пра што гутарылі са студэнтамі БДПУ падчас «Заліковай размовы»


Эксперты і студэнты БДПУ падчас «Заліковай размовы» абмеркавалі электаральную кампанію і дэмаграфічную сітуацыю, перадае БелТА.


Фота: БелТА

На сустрэчы абмяркоўваліся грамадска-палітычныя пытанні. У цэнтры ўвагі была тэма бягучай электаральнай кампаніі, бо сёння ў Беларусі пачалося датэрміновае галасаванне на выбарах дэпутатаў. Таксама спікеры размаўлялі са студэнтамі аб важнасці сям’і, правільнага выхавання дзяцей, дакладнага жыццёвага выбару і расстаноўкі прыярытэтаў. Тэма выхавання асабліва актуальная для студэнтаў БДПУ як будучых педагогаў. З моладдзю гутарылі аналітык БІСІ Аляксей Аўдонін і кіраўнік цэнтра чалавечага развіцця і дэмаграфіі ДНУ «Інстытут эканомікі НАН» Анастасія Баброва.

Магістрант БДПУ Дар’я Лукашэвіч плануе скарыстацца магчымасцю прагаласаваць датэрмінова. «У дзяцінстве хадзіла з бацькамі на выбары, цяпер галасую сама, і гэта заўсёды сапраўдная падзея, свята, знамянальны дзень. Важна зрабіць свядомы выбар. Добра, што ёсць магчымасць прагаласаваць у зручны час. Я з’яўляюся сакратаром пярвічнай арганізацыі БРСМ, у нас вельмі шмат плануецца мерапрыемстваў, прысвечаных адзінаму дню галасавання, у суботу-нядзелю будзем вельмі занятыя. Так што планую прагаласаваць датэрмінова, можа, нават сёння. Думаю, большасць студэнтаў паступяць гэтак жа, таму што многія з’язджаюць на выхадныя дадому», — адзначыла яна.

Дар’я Лукашэвіч удзельнічае ў інфармацыйна-асветніцкім праекце «Заліковая размова» не ўпершыню. «Гэты праект карыстаецца папулярнасцю сярод студэнтаў. Нашыя хлопцы и дзяўчаты, будучыя педагогі, любяць такія сустрэчы з экспертамі, рады магчымасці пагаварыць з цікавымі людзьмі, задаць пытанні. Цікава, з якім настроем яны ўпершыню ішлі галасаваць, што могуць нам параіць, каб мы зрабілі правільны выбар. «Хочацца больш падрабязна даведацца ў экспертаў, чым займаюцца дэпутаты, як развіваецца наша заканадаўства», — дадала яна.

Студэнт другога курса факультэта дашкольнай адукацыі БДПУ Кірыл Карась таксама з цікавасцю прымае ўдзел у сустрэчах з экспертамі. «Я сёлета ўпершыню буду галасаваць, а таксама з’яўляюся назіральнікам ад БРСМ. Гэта вельмі важна і адказна, убачу ўсю сістэму знутры. Хачу сказаць, што моладзь зараз вельмі актыўна ўключаецца ў галасаванне, бо вядзецца вялікая інфармацыйная праца. Дыялогавыя пляцоўкі зараз сістэмна праводзяцца да адзінага дня галасавання, гэта эфектыўны спосаб інфармавання. Мы разумеем, што вельмі важна выбраць дастойных кандыдатаў у дэпутаты, ад кожнага голасу залежыць многае», — падкрэсліў ён.

На яго думку, «Заліковая размова — выдатная магчымасць задаць любое пытанне не толькі аб палітыцы, але і аб асабістым. «Вядомыя людзі, у тым ліку палітолагі, тэлевядучыя, гутараць з намі, можна спытаць пра ўсё, што хвалюе нас, студэнтаў» , - рэзюмаваў Кірыл Карась.

Выбар рэдакцыі

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.

Грамадства

Рэспубліканскі суботнік прайшоў сёння ў Беларусі

Рэспубліканскі суботнік прайшоў сёння ў Беларусі

Мерапрыемства праводзілася на добраахвотнай аснове.