Вы тут

НАН расказала аб стане здароўя беларускіх удзельніц касмічнага палёту


Беларускія ўдзельніцы маючага адбыцца палёту зараз праходзяць медыцынскае абследаванне. Пра гэта паведаміў намеснік начальніка ўпраўлення аэракасмічнай дзейнасці Нацыянальнай акадэміі навук Іван Буча ў Маскве на цырымоніі адкрыцця выставы «Арбіты сяброўства», прысвечанай укладу беларусаў у асваенне космасу, перадае БелТА.


Фота: БелТА

«Прадстаўніцы Беларусі Марына Васілеўская і Анастасія Лянкова (члены асноўнага і дублюючага экіпажаў. — Заўвага БелТА) цяпер завяршаюць падрыхтоўку да касмічнага палёту ў Цэнтры падрыхтоўкі касманаўтаў. З 12 па 15 лютага яны праходзяць комплекснае медыцынскае абследаванне на прадмет прыдатнасці па стану здароўя. На гэты момант вельмі рады, што ўсё добра з медабследаваннем», — сказаў Іван Буча.

«Далей фінішная прамая: экзаменацыйныя трэніроўкі, ад’езд на Байканур і старт у другой палове сакавіка. Спадзяемся, што ўсё будзе штатна, планава: і старт, і палёт на МКС, і вяртанне на Зямлю», — дадаў прадстаўнік НАН.

Намеснік начальніка 1-га ўпраўлення Цэнтра падрыхтоўкі касманаўтаў ім. Ю. А. Гагарына па адборы і падрыхтоўцы касманаўтаў да лётных і наземных выпрабаванняў і эксплуатацыі пілатуемых касмічных апаратаў Антон Шкаплераў, які адказвае за падрыхтоўку беларуска-расійскага экіпажа, паведаміў, што экіпаж рыхтуецца згодна з планам падрыхтоўкі, ніякіх затрымак няма. «Вельмі прыемна, што дзяўчаты, у якіх вельмі кароткі тэрмін на падрыхтоўку, рыхтуюцца з аддачай і на высокім узроўні. Усе іспыты імі здаюцца толькі на выдатна», — дадаў ён.

Выбар рэдакцыі

Грамадства

Больш за 100 прадпрыемстваў прапанавалі вакансіі ў сталіцы

Больш за 100 прадпрыемстваў прапанавалі вакансіі ў сталіцы

А разам з імі навучанне, сацпакет і нават жыллё.

Эканоміка

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Беларусь — адзін з сусветных лідараў у галіне здабычы і глыбокай перапрацоўкі торфу.

Грамадства

Адкрылася турыстычная выстава-кірмаш «Адпачынак-2024»

Адкрылася турыстычная выстава-кірмаш «Адпачынак-2024»

«Мы зацікаўлены, каб да нас прыязджалі».