Вы тут

Надвор'е: Спачатку сагрэе, а потым і парадкам падмарозіць


У пачатку тыдня атлантычныя цыклоны будуць прыносіць на тэрыторыю краіны шмат аблокаў, ападкі і цёплыя паветраныя масы. Таму ў першай палове тыдня пад уплывам атмасферных франтоў надвор’е будзе пераважна пахмурнае і сырое, але ў той жа час не па сезоне цёплае, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У аўторак часам пройдуць ападкі ў выглядзе дажджу і мокрага снегу. Ноччу і раніцай на большай частцы тэрыторыі, днём месцамі туман. На асобных участках дарог галалёдзіца, па паўночным усходзе месцамі слабы галалёд. Тэмпература паветра ўначы складзе мінус 1 — плюс 5 градусаў, а ўдзень — ад 0 градусаў на поўначы да плюс 8 градусаў на поўдні краіны.

На большай частцы тэрыторыі краіны ў сераду чакаюцца ападкі ў выглядзе снегу, мокрага снегу і дажджу. Месцамі слабы туман, галалёд, на дарогах галалёдзіца. Тэмпература паветра на працягу сутак будзе вагацца ад мінус 4 да плюс 3 градусаў, а па паўночным усходзе — да мінус 6 градусаў. Днём у паўднёва-заходніх і паўднёвых раёнах будзе да 5 цяпла.

Хваля марознага холаду чакаецца ўжо ў чацвер. У гэтыя суткі ноччу пераважна па ўсходзе, а днём месцамі па краіне прагназуецца невялікі кароткачасовы снег, мокры снег, днём па захадзе з дажджом. У некаторых раёнах слабыя туман і галалёд, на дарогах галалёдзіца. Тэмпература паветра ўначы панізіцца да мінус 2–9 градусаў, а ў паўднёва-заходніх і паўднёвых раёнах — да 0 — мінус 1 градуса. Днём тэмпература будзе ў межах ад мінус 7 градусаў па паўночным усходзе да плюс 5 градусаў па паўднёвым захадзе краіны.

Згодна з папярэднім прагнозам айчынных сіноптыкаў, у другой палове тыдня фон атмасфернага ціску пачне расці, ападкі стануць менш інтэнсіўнымі і прымуць лакальны характар. Разам з тым тэмпературны фон чакаецца даволі стракаты. Халадней будзе ў паўночна-ўсходніх і ўсходніх раёнах. А вось цяплей за ўсё чакаецца 

па паўднёвым захадзе краіны, тут мінімальныя значэнні будуць вагацца ад слабага мінуса да слабага плюса, дзённыя максімумы пры гэтым будуць у асноўным знаходзіцца на баку станоўчых значэнняў.

У пятніцу месцамі па краіне пройдуць кароткачасовыя ападкі (снег, мокры снег, пераважна па захадзе дождж). У некаторых раёнах слабыя туман і галалёд, на дарогах галалёдзіца. Уначы прагназуецца ад плюс 2 градусаў па захадзе да мінус 12 градусаў па ўсходзе, а днём — ад плюс 6 градусаў па паўднёвым захадзе да мінус 8 градусаў па ўсходзе краіны.

На большай частцы тэрыторыі ў суботу чакаюцца кароткачасовыя ападкі ў выглядзе снегу і дажджу. У некаторых раёнах слабыя туман і галалёд, на дарогах галалёдзіца. Уначы сіноптыкі абяцаюць ад плюс 5 градусаў па паўднёвым захадзе да мінус 10 градусаў па ўсходзе, а днём — ад плюс 8 градусаў у паўднёва-заходніх да мінус 6 градусаў ва ўсходніх раёнах краіны.

На паўночным усходзе абяцае нас падмарозіць ужо ў нядзелю. У гэты дзень месцамі па краіне прагназуюцца кароткачасовыя ападкі (у асноўным снег, мокры снег, па паўднёвым захадзе з дажджом). У некаторых раёнах слабыя туман і галалёд, на дарогах галалёдзіца. Тэмпература паветра ўначы будзе ад плюс 1 градуса па паўднёвым захадзе да мінус 15 градусаў па паўночным усходзе краіны. Кантраснае надвор’е будзе і днём — ад плюс 3 градусаў у паўднёва-заходніх да мінус 8 градусаў у паўночна-ўсходніх раёнах краіны.

Сяргей КУРКАЧ

Выбар рэдакцыі

Грамадства

Больш за 100 прадпрыемстваў прапанавалі вакансіі ў сталіцы

Больш за 100 прадпрыемстваў прапанавалі вакансіі ў сталіцы

А разам з імі навучанне, сацпакет і нават жыллё.

Эканоміка

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Беларусь — адзін з сусветных лідараў у галіне здабычы і глыбокай перапрацоўкі торфу.

Грамадства

Адкрылася турыстычная выстава-кірмаш «Адпачынак-2024»

Адкрылася турыстычная выстава-кірмаш «Адпачынак-2024»

«Мы зацікаўлены, каб да нас прыязджалі».