Вы тут

Абараніць аснову — сям’ю і веру


У Свята-Елісавецінскім манастыры прайшла сустрэча-дыялог «Захаванне і развіццё праваслаўнай культуры і духоўна-маральных каштоўнасцяў», у ходзе якой парламентарыі Саюзнай дзяржавы з Мітрапалітам Мінскім і Заслаўскім Веніямінам, Патрыяршым Экзархам усяе Беларусі, абмеркавалі важныя пытанні ў вызначанай тэме, а таксама акрэслілі далейшыя напрамкі супрацоўніцтва і ўзаемадзеяння ў ёй.


Фота: pukhovichi.gov.by

У коле аднадумцаў прысутныя гаварылі не толькі пра зробленае, але і пра тое, што многіх непакоіць, мае вялікае значэнне, пра шляхі развіцця далейшага ўзаемадзеяння дзвюх краін:

— На фоне падзей, якія адбываюцца сёння ў свеце, праблема захавання духоўна-культурнай спадчыны, культурна-гістарычных традыцый і каштоўнасцяў з’яўляецца асабліва актуальнай і важнай. Таму што менавіта духоўная аснова дазваляе чалавеку правільна асэнсаваць падзеі ў яго і грамадскім жыцці з пункту гледжання вечнасці, прымаючы правільныя рашэнні, — адзначыў Мітрапаліт Мінскі і Заслаўскі Веніямін, Патрыяршы Экзарх усяе Беларусі. — У ХХ стагоддзі чалавецтва сутыкнулася з вялікімі зменамі, узрушэннямі, прычынай якіх сталі розныя войны, эканамічныя, сацыяльныя, палітычныя, культурныя і ідэалагічныя крызісы і дэстабілізуючыя працэсы. Гэта дало штуршок дэфармацыі духоўнай культуры грамадства. У ліку найважнейшых праблем выступае замяшчэнне рэлігійных, маральных і каштоўнасных арыенціраў, расхістванне і забыццё векавых устояў, нацыянальных асаблівасцяў, гісторыка-культурных звычаяў і традыцый. І тое, што раней было само сабой зразумела, хараз патрэбна тлумачыць дзецям і маладым людзям. А ў іх часта ўзнікае пытанне, а чаму так трэба і правільна, калі ёсць і іншыя варыянты? Як адказваць на гэта, як сцвярджаць нашы гісторыка-культурныя традыцыі і звычаі — гэта адзін з важных нашых клопатаў.

Вядома, што ва ўсе часы як вялікія духоўныя настаўнікі, так і класікі беларускай і рускай літаратуры заклікалі чалавека да духоўнага ўдасканалення, да кантролю над сваімі паводзінамі, адказнасці за свае ўчынкі, справы і нават думкі. І сучасны чалавек таксама спазнае свет праз прызму духоўных каштоўнасцяў, таму так важна, каб у аснове гэтага фундаменту выхавання і фарміравання канкрэтнай асобы і грамадства была праваслаўная вера, якая складае сутнасць ментальнасці, духоўных каштоўнасцяў усходне-славянскіх народаў... 

Работа над сабой, сваімі думкамі, выпраўленнем уласных недахопаў, усведамленне сапраўдных каштоўнасцяў любові, дабра, прыгажосці — павінна быць сэнсам жыцця чалавека. І тое, на жаль, вельмі адрозніваецца ад прапаноў знешняга свету, дзе нам кажуць, што трэба браць ад жыцця ўсё. У гэтым кантэксце асабліва важна не забываць пра сям’ю, бо яна — аснова фарміравання сістэмы жыццёвых каштоўнасцяў кожнага. Тут удзельнікі сустрэчы сышліся ў меркаванні, што неабходна вярнуць сям’і функцыю выхавання, суправаджаючы яе ў розных кірунках і на ўсіх этапах развіцця.

Старшыня Камісіі Парламенцкага Сходу па культуры, навуцы і адукацыі Саюзнай дзяржавы Мікалай Бурляеў у сваю чаргу спыніўся на тым, як сёння важна быць пільнымі да ўсяго, што прапаноўваецца людзям пад выглядам, напрыклад, таго ж культурнага прадукту:

— Ці ёсць карысць, калі ты, як прадстаўнік шоу-бізнесу, заваюеш свет, а душы сваёй і душам тых, хто глядзіць на цябе, нашкодзіш. Той жа экран сёння мае вялікі ўплыў на чалавека. Мы давяраем экрану. Як казаў Фёдар Дастаеўскі, д’ябал змагаецца з Богам, а месца бітвы — сэрца чалавека. І тое адбываецца ўвесь час, — адзначыў Мікалай Пятровіч. — Якімі будуць нашы навука, культура і адукацыя, такім будзе і будучыня нашай Саюзнай дзяржавы. Надышоў час сказаць, што мы не будзем паніжаць духоўны ўзровень нашых народаў. Тое, што мы не можам зрабіць асобна ў нашых краінах, мы здольны зрабіць разам. Не варта паддавацца на тое, што здольна раздзяліць нас. Зараз трэба выратоўваць прыгажосць, і мы маем для гэтага ўсе магчымасці.

— Сёння правільна адзначалі, што мы нічога не страцілі, але ёсць моманты, дзе мы, магчыма, адыходзім убок, а патрэбна, наадварот, там сканцэнтраваць наша слова і нашу ўвагу ў першую чаргу, — выказалася начальнік галоўнага ўпраўлення ідэалагічнай работы і па справах моладзі Мінгарвыканкама Вольга Чамаданава. — Так, у нас ёсць шэраг праектаў, у тым ліку сумесных, якія накіраваныя на захаванне сямейных каштоўнасцяў. Аднак вельмі важныя сэнс і глыбіня ўсёй той работы, якая праводзіцца. Ёсць неабходнасць удасканалення яе і далучэння новых людзей, ініцыятыў, больш шырокага патэнцыялу магчымасцяў... Паколькі ўсё пачынаецца з сям’і, таму з гэтых каранёў і варта пачынаць работу ў розных фарматах: праектаў, сустрэч з маладымі людзьмі, бо шмат тэм яшчэ застаюцца адкрытымі.

Алена ДРАПКО

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.