Поўная лічбавізацыя ўліку, кантролю і выплаты падаткаў — адна з найважнейшых задач МПЗ на бліжэйшую перспектыву. Аб гэтым заявіў прэм’ер-міністр Раман Галоўчанка на пашыраным пасяджэнні калегіі Міністэрства па падатках і зборах, перадае БелТА.
«Кіраўнік дзяржавы даручыў забяспечыць поўную лічбавізацыю ўліку, кантролю і выплаты падаткаў. Створаны і досыць паспяхова функцыянуюць шэсць асноўных інфармацыйных сістэм, на базе якіх летась міністэрствам праведзена вялікая праца па стварэнні дадатковых сэрвісаў, якія аўтаматызуюць працэсы фарміравання падатковых дэкларацый. Гэта зручна і скарачае выдаткі плацельшчыка на выплату падатку», — сказаў Раман Галоўчанка.
Але такія сэрвісы, паводле яго слоў, пакуль даступныя толькі асобным катэгорыям плацельшчыкаў. «Трэба рухацца далей. Такія інфармацыйныя прадукты павінны быць створаны для ўсіх суб’ектаў. Гэта адна з важнейшых задач міністэрства на бліжэйшую перспектыву», — падкрэсліў прэм’ер-міністр.
Супрацоўнікі Мінпрыроды расказалі, якая карысць ад дрэў у горадзе.
Восень для спецыялістаў аграрнай галіны — час падводзіць вынікі, і сёлета яны годныя.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
