Вы тут

Узнікненне амаль паловы анкалагічных хвароб можна папярэдзіць


4 лютага адзначаўся Сусветны дзень барацьбы супраць раку. Гэтая дата абвешчана «Міжнародным саюзам па барацьбе з анкалагічнымі захворваннямі». Медыкі назвалі дзесяць галоўных парад, каб пазбегнуць гэтага небяспечнага захворвання.


Рак — гэта агульнае абазначэнне больш чым 100 хвароб, якія могуць паражаць любую частку арганізма. Адной з характэрных прыкмет раку з’яўляецца хуткае ўтварэнне анамальных клетак, якія прарастаюць за межы свайго звычайнага размяшчэння. Але спецыялісты заяўляюць аб тым, што ў наш час добра вядомыя прычыны ўзнікнення ракавых захворванняў, і гэта дае магчымасць прадухіліць прыкладна адну трэць новых выпадкаў. Пры выяўленні ракавай пухліны на ранніх стадыях магчыма паспяховае лячэнне.

Для павышэння дасведчанасці аб раку, прыцягнення ўвагі да прадухілення, выяўлення і лячэння гэтага захворвання ў гэтыя дні анкалагічная служба Беларусі традыцыйна праводзіць шэраг мерапрыемстваў, паведамляе прэс-служба Міністэрства аховы здароўя.

Узнікненне 43% ракавых захворванняў можна было б прадухіліць з дапамогай нормаў здаровых паводзін. Важна памятаць, што менавіта прафілактыка — надзейны спосаб папярэджання многіх захворванняў, у прыватнасці анкалагічных.

Вось мінімальны пералік мер, закліканых дапамагчы людзям весці здаровы лад жыцця і актыўна садзейнічаць прафілактыцы раку:

  • Не курыце. Не ўжывайце ніякіх відаў тытунёвай прадукцыі.
  • Прыміце меры для падтрымання здаровай масы цела.
  • Будзьце фізічна актыўнымі ў паўсядзённым жыцці.
  • Прытрымлівайцеся здаровага рацыёну харчавання (ужывайце ў ежу вялікую колькасць суцэльных злакаў, зернебабовых, гародніны і садавіны).
  • Абмяжуйце ўжыванне ў ежу высокакаларыйных прадуктаў (з высокай колькасцю цукру ці тлушчу).
  • Пазбягайце злоўжывання смажанай і вэнджанай мясной прадукцыяй, а таксама іншымі прадуктамі з высокай колькасцю солі.
  • Абмяжуйце ўжыванне алкагольных напояў.
  • Пазбягайце празмернага ўздзеяння сонечных прамянёў, асабліва на дзяцей.
  • Для жанчын: калі ў вас ёсць такая магчымасць, карміце сваё дзіця грудзьмі.
  • Скарыстайцеся паслугамі арганізаваных праграм скрынінгу і дыспансерызацыі на рак.

Папярэдзіць хваробу заўсёды лягчэй, чым лячыць.

Алена КРАВЕЦ

Выбар рэдакцыі

Грамадства

Больш за 100 прадпрыемстваў прапанавалі вакансіі ў сталіцы

Больш за 100 прадпрыемстваў прапанавалі вакансіі ў сталіцы

А разам з імі навучанне, сацпакет і нават жыллё.

Эканоміка

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Торф, сапрапель і мінеральная вада: якія перспектывы выкарыстання прыродных багаццяў нашай краіны?

Беларусь — адзін з сусветных лідараў у галіне здабычы і глыбокай перапрацоўкі торфу.

Грамадства

Адкрылася турыстычная выстава-кірмаш «Адпачынак-2024»

Адкрылася турыстычная выстава-кірмаш «Адпачынак-2024»

«Мы зацікаўлены, каб да нас прыязджалі».