Вы тут

Ці бываюць бяспечныя фарбы для валасоў?


Нягледзячы на старанні вытворцаў, формула зусім бяспечнай фарбы для валасоў пакуль не знойдзена. Частае афарбоўванне ўсё яшчэ прычыняе шкоду валасам, робіць іх сухімі, ломкімі і цьмянымі. Але ва ўсе часы жанчыны фарбавалі і будуць фарбаваць валасы. Мала хто з іх ніколі не мяняў колер валасоў.


Фота з адкрытых крыніц

— Фарбуючы валасы, мы ўвесь час падвяргаем іх і скуру галавы ўздзеянню хімічных рэчываў — тытану, цырконію, бензалконію, вісмуту, барыю, стронцыю, алюмінію, волава, хрому, не кажучы аб такіх таксічных прымесях, як бензол, поліхлараваныя біфенілы і азафарбавальнікі. Фарба псуе не толькі самі валасы, але і ўплывае на валасяныя фалікулы такім чынам, што нават зноў адрастаючыя валасы ўжо не будуць здаровымі і густымі. Скура галавы гэтак жа раздражняецца, з’яўляюцца дэрматыты, сверб і перхаць, узнікаюць алергічныя рэакцыі, — расказвае пра наступствы Святлана Клімук, урач-лабарант Мінскага абласнога цэнтра гігіены, эпідэміялогіі і грамадскага здароўя.

Устойлівыя (перманентныя) саставы ўтрымліваюць аміяк, які дазваляе фарбавальным пігментам пранікаць унутр воласа за кошт прыадкрывання і аддзялення лускавінак. Валасы становяцца сухімі, порыстымі, ломкімі і кволымі, у іх разбураецца прыродны пігмент.

Паўперманентныя фарбы не ўтрымліваюць аміяку, але іх эфект менш устойлівы і даводзіцца падфарбоўвацца часцей, што не дадае здароўя вашым валасам. Адценкавыя шампуні і бальзамы не пашкоджваюць структуру валасоў, гэта найбольш бяспечны спосаб афарбоўкі пасля натуральных фарбавальнікаў — імі смела можна карыстацца.

Калі вы ўсё ж хочаце ці проста вымушаны афарбоўваць валасы, існуе некалькі правілаў:

  • Выбірайце фарбу натуральнага паходжання (хна, басма, рамонак, куркума, карыца, хмель, кава, цыбульная шалупіна, мёд) або адценкавыя сродкі.
  • Не мыйце валасы перад афарбоўкай — натуральная тлушчавая змазка абароніць валасы і скуру галавы ад пранікнення хімічных рэчываў і пашкоджання структуры.
  • За некалькі дзён да афарбоўкі ўстойлівымі ці паўперманентнымі фарбамі правядзіце ўмацавальныя працэдуры для валасоў, маскі, масаж. Правядзіце тэст на адчувальнасць да дадзенага прадукту.
  • Строга прытрымлівайцеся ўказанняў у анатацыі да фарбы — выконвайце прапорцыі, выкарыстоўвайце пальчаткі, не трымайце фарбу на валасах даўжэй рэкамендаванага інструкцыяй часу — гэта прывядзе да выпадзення валасоў, а не да яркага колеру.
  • Пасля афарбоўвання ўстойлівымі і паўперманентными фарбамі першыя тыдні не выкарыстоўвайце фен, прас і шчыпцы.

Алена КРАВЕЦ

Загаловак у газеце: Шок-кантэнт для валасоў

Выбар рэдакцыі

Адукацыя

Наталля Карчэўская: Культуры патрэбны прыток новых людзей

Наталля Карчэўская: Культуры патрэбны прыток новых людзей

Рэктар БДУКМ — пра падрыхтоўку прафесійных кадраў для ўстаноў культуры.

Грамадства

Батанічны сад — месца, напоўненае спакоем і прыгажосцю

Батанічны сад — месца, напоўненае спакоем і прыгажосцю

Прагуляліся па квітнеючым Цэнтральным батанічным садзе: расказваем аб уражаннях

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.