Вы тут

Надвор'е: Слізота неймаверная


Гэтымі днямі нам на галаву выльецца поўны набор складаных умоў надвор’я — туман, галалёд, мокры снег і дождж, на дарогах галалёдзіца, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды. Снежнае покрыва неахвотна, але пачало паступова здаваць свае пазіцыі. Па стане на раніцу чацвярга ў большасці раёнаў краіны яго вышыня вагаецца ад 1 да 28 сантыметраў.


Фота: web.minskenergo.by

А ў пятніцу ўмовы надвор’я ў нашай краіне будуць вызначаць атмасферныя франты, якія страчваюць актыўнасць. Воблачна, днём з праясненнямі. У многіх раёнах краіны пройдуць ападкі, ноччу ўмераныя, днём невялікія ў выглядзе дажджу, мокрага снегу і снегу. У асобных раёнах чакаюцца слабы галалёд, у дзённыя гадзіны месцамі слабы туман. На асобных участках дарог галалёдзіца. Вецер паўночна-заходні ўмераны, уначы на захадзе краіны парывісты, месцамі моцны парывісты. Тэмпература паветра на працягу сутак складзе ад мінус 3 градусаў да 2 цяпла. Атмасферны ціск ноччу будзе расці.

У ноч на суботу паветра будзе астываць больш інтэнсіўна, а днём зноў адліга. Тэмпература паветра ўначы ад мінус 1 да мінус 8 градусаў, пры праясненнях паветра будзе астуджацца да мінус 10, а днём «арэлі» — ад мінус 4 да плюс 2 градусаў.

І ў нядзелю захаваецца ўплыў халоднай няўстойлівай паветранай масы. Воблачна з праясненнямі. Месцамі пройдзе невялікі кароткачасовы мокры снег. У асобных раёнах чакаюцца туман, слабы галалёд, на дарогах галалёдзіца. Вецер няўстойлівы слабы да ўмеранага. Тэмпература паветра ўначы ад мінус 3 градусаў да мінус 9 градусаў, пры праясненнях да 14 марозу. У паўднёва-заходніх раёнах Беларусі надвор’е будзе мякчэйшае — тэмпература ўначы складзе 0 — мінус 2, удзень — ад 4 марозу да 3 цяпла.

У панядзелак надвор’е будзе пераважна без ападкаў. У некаторых раёнах туман, слабы галалёд, на дарогах галалёдзіца. Тэмпература паветра ўначы апусціцца да 0 — мінус 7 градусаў, па паўднёвым усходзе — да мінус 8–12 градусаў. Днём чакаецца мінус 2 — плюс 4 градусы.

У аўторак месцамі па краіне пройдуць кароткачасовыя ападкі ў выглядзе мокрага снегу і дажджу. У некаторых раёнах слабыя туман і галалёд, на дарогах галалёдзіца. Уначы сіноптыкі абяцаюць ад нуля да мінус 7 градусаў, а ўдзень — мінус 2 — плюс 3 градусы.

Таксама без ападкаў будзе і ў сераду. У некаторых раёнах згусціцца туман, утворыцца слабы галалёд, на дарогах галалёдзіца. Уначы будзе 1–8 марозу, а пры праясненнях — да мінус 11 градусаў. Днём тэмпература будзе вагацца ад мінус 3 да плюс 3 градусаў.

Сяргей КУРКАЧ

Выбар рэдакцыі

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.