Вы тут

Беларускія пагранічнікі працягваюць несці службу на паўднёвым напрамку ва ўзмоцненым рэжыме


Беларускія пагранічнікі працягваюць несці службу на паўднёвым напрамку ва ўзмоцненым рэжыме. Аб гэтым паведамілі ў прэс-службе Дзяржпагранкамітэта Беларусі.


«Абстаноўка на дзяржаўнай граніцы застаецца прагназуемай і кантралюемай. У той жа час захоўваліся знешнія выклікі пагранічнай бяспекі, звязаныя з мілітарызацыяй прыгранічча сумежных дзяржаў Еўрапейскага саюза і Украіны», — адзначылі ў пагранведамстве.

Цяпер паблізу ад беларускай граніцы сканцэнтравана групоўка ўзброеных фарміраванняў Украіны. «Уздоўж нашых рубяжоў прадаўжаюць актыўна ўзводзіцца мінныя палі, розныя інжынерныя збудаванні і загароджа. Захоўваецца вядзенне разведкі беларускай тэрыторыі з выкарыстаннем розных тэхнічных сродкаў і беспілотных лятальных апаратаў. У гэтых умовах беларускія пагранічнікі прадаўжаюць несці службу на паўднёвым напрамку ва ўзмоцненым рэжыме», — заявілі ў Дзяржпагранкамітэце.

Летась на граніцы з Латвіяй значна вырасла колькасць спробаў выцяснення бежанцаў, якія суправаджаліся грубым ужываннем сілы з боку латвійскіх сілавікоў. Зафіксавана 43 смерці і мноства зраненых іншаземцаў, шпіталізаваных у беларускія ўстановы аховы здароўя.

Прыгранічная тэрыторыя Літвы актыўна выкарыстоўваецца для дыслакацыі падраздзяленняў узброеных сіл ЗША і Германіі. На палігоне Пабрадзе на пастаяннай аснове праводзяцца розныя вучэнні аператыўна-тактычнага ўзроўню.

З боку Польшчы засяроджана групоўка сіл і сродкаў, якая складаецца з памежнай варты, узброеных сіл і паліцыі. Таксама, як на гранціы з Латвіяй, на працягу года на польска-беларускім участку адзначаліся шматлікія спробы выцяснення замежнікаў, перамяшчэння на беларускую тэрыторыю збітых і загінуўшых ад ран бежанцаў.

Прэв'ю: БелТА

Выбар рэдакцыі

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.

Экалогія

Які інтарэс ў Беларусі ля Паўднёвага полюса

Які інтарэс ў Беларусі ля Паўднёвага полюса

Антарктыка, далёкая і блізкая.

Грамадства

Да купальнага сезона падрыхтуюць 459 пляжаў

Да купальнага сезона падрыхтуюць 459 пляжаў

Існуюць строгія патрабаванні да месцаў для купання.

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.