Вы тут

​Лукашэнка заклікаў да пільнасці на фоне мілітарыстычнай абстаноўкі ў суседніх краінах


Прэзідэнт Беларусі Аляксандр Лукашэнка заклікаў да пільнасці на фоне мілітарыстычнай абстаноўкі ў суседніх краінах. Адпаведную заяву ён зрабіў пры зацвярджэнні рашэнняў па ахове дзяржаўнай граніцы ў 2024 годзе, перадае БелТА.


Кіраўнік дзяржавы адзначыў, што гэта мерапрыемства традыцыйнае, якое з году ў год паўтараецца, але вельмі важнае з-за таго становішча, якое разгортваецца вакол Беларусі. «Таму сённяшняе рашэнне па ахове дзяржаўнай граніцы маюць сваю асаблівасць у тым, што ў нас асаблівая сітуацыя: на поўдні — вайна, на захадзе — Польшча, Літва, балтыйскія дзяржавы — і таго горш. Падкрэсліваю: і таго горш. Там рыхтуюцца адпаведныя атрады, палкаводцы вызначаны», — сказаў Прэзідэнт.

Аляксандр Лукашэнка падкрэсліў, што ў Беларусі ведаюць і «байцоў гэтых атрадаў», якія гатовы ўжо ваяваць супраць уласнай краіны.

«Таму, як я заўсёды ваенным гавару, і асабліва міністру абароны: мы не павінны нічога празяваць, па-народнаму гаворачы. Ні ў якім разе нельга дапусціць нейкіх выпадковых развіцця падзей на нашай граніцы. Таму — пільнасць і яшчэ раз пільнасць», — звярнуў увагу Прэзідэнт.

На мерапрыемстве прысутнічалі дзяржаўны сакратар Савета бяспекі Аляксандр Вальфовіч, міністр абароны Віктар Хрэнін, старшыня Дзяржаўнага пагранічнага камітэта Канстанцін Моластаў і начальнік Генеральнага штаба Узброеных Сіл — першы намеснік міністра абароны Віктар Гулевіч.

Аляксандр Лукашэнка адзначыў, што пакуль адказныя асобы «нядрэнна выконваюць свае функцыі».

Кіраўнік дзяржавы заслухаў кіраўніка ДПК і начальніка Генштаба. Асобна Прэзідэнт пацікавіўся абстаноўкай на наземнай граніцы (пагранічнікі яе называюць зялёнай граніцай, хоць цяпер яе можна назваць белай, таму што ўсё пакрыта снегам) і ў паветранай прасторы. «Гэта таксама граніца. У савецкія часы наша адказнасць была — лінія граніцы і паветраная прастора ў тым ліку», — заўважыў Аляксандр Лукашэнка.

«Мы ўзмацнілі дзяржаўную мяжу войскам. Якая функцыя, роля арміі? Як мы яе там выконваем, аказваем падтрымку і садзейнічанне памежным войскам?» — задаў яшчэ шэраг пытанняў прысутным кіраўнік дзяржавы.

Прэзідэнту далажылі аб актуальнай абстаноўцы на дзяржаўнай граніцы, сілах і сродках, якія задзейнічаны ў забеспячэнні пагранічнай бяспекі з беларускага боку, а таксама кантынгенце ў сумежных краінах.

Так, у Латвіі, паводле слоў старшыні Дзяржаўнага пагранічнага камітэта генерал-маёра Канстанціна Моластава, да аховы дзяржграніцы разам са штатнымі падраздзяленнямі прыцягнуты таксама ваеннаслужачыя Узброеных сіл і супрацоўнікі паліцыі гэтай краіны. На латвійскім участку дзяржграніцы ў мінулым годзе значна пачасціліся спробы выправаджэння мігрантаў на тэрыторыю Беларусі.

Што да Літвы, то там памежная тэрыторыя актыўна выкарыстоўваецца таксама для дыслакацыі падраздзяленняў узброеных сіл ЗША і Германіі. З іх удзелам рэгулярна праводзяцца вучэнні аператыўна-тактычнага ўзроўню. Усяго ў 2023 годзе было праведзена да 12 вучэнняў.

«Ваенным трэба мець на ўвазе і трымаць іх, шчыра скажам, у прыцэле», — падкрэсліў у сувязі з гэтым кіраўнік дзяржавы.

У сваю чаргу польскі бок, грунтуючыся на створанай загародзе ў выглядзе плота вышынёй 5 м з сістэмай відэаназірання і супрацьпадкопаў, праводзіць штодзённую паветраную разведку і патруляванне ўздоўж дзяржаўнай граніцы, далажыў старшыня Дзяржпагранкамітэта.

«Мяне інфармуюць мае крыніцы, у тым ліку і пагранічнікі, ваенныя аб тым, што гэты плот супраць мігрантаў практычна не працуе. Мігранты яго пераадольваюць без праблем», — адзначыў Аляксандр Лукашэнка.

«Цалкам дакладна. Самі палякі ацэньваюць эфектыўнасць свайго плота ўсяго толькі ў 60%. Не больш за тое», — пацвердзіў Канстанцін Моластаў.

Прэв’ю: БелТА

Выбар рэдакцыі

Экалогія

Які інтарэс ў Беларусі ля Паўднёвага полюса

Які інтарэс ў Беларусі ля Паўднёвага полюса

Антарктыка, далёкая і блізкая.

Грамадства

Да купальнага сезона падрыхтуюць 459 пляжаў

Да купальнага сезона падрыхтуюць 459 пляжаў

Існуюць строгія патрабаванні да месцаў для купання.

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.