Вы тут

Пачаўся суд у дачыненні да прадстаўнікоў тэрарыстычнай арганізацыі


Першае судовае паседжанне па крымінальнай справе ў дачыненні да прадстаўнікоў тэрарыстычнай арганізацыі BYPOL пачалося ў Мінскім гарадскім судзе, перадае БелТА.


Фота: БелТА

Крымінальная справа разглядаецца ў парадку спецыяльнай вытворчасці ў дачыненні да прадстаўнікоў і экс-удзельнікаў тэрарыстычнай арганізацыі BYPOL з структурнымі падраздзяленнямі «Сітуацыйна-аналітычны цэнтр» і «Мабілізацыйны план «Перамога», якія ўваходзяць у яе.

Абвінавачаныя, нягледзячы на належнае паведамленне аб месцы і часе судовага паседжання, не з’явіліся. Іх інтарэсы прадстаўляюць адвакаты.

Па матэрыялах справы абвінавачаныя — Аляксандр Азараў, Уладзімір Жыгар, Ігар Лобан, Андрэй Астаповіч, Мацвей Купрэйчык, Алег Талерчык — у розныя перыяды здзейснілі дзеянні для захопу дзяржаўнай улады неканстытуцыйным шляхам.

Як адзначалі раней у Генпракуратуры, каб рэалізаваць задуманае, абвінавачаныя, знаходзячыся за межамі Беларусі, аб’ядналіся, размеркавалі паміж сабой функцыі і ролі, увайшлі ў склад кіраўнікоў ініцыятывы BYPOL, якая сваёй канчатковай мэтай ставіла захоп дзяржаўнай улады ў Беларусі і змену палітычнага кіраўніцтва краіны неканстытуцыйным шляхам.

Для дасягнення мэтаў BYPOL, прызнанага экстрэмісцкім фарміраваннем, а з 30 жніўня 2022 года па рашэнні Вярхоўнага Суда Беларусі — тэрарыстычнай арганізацыяй, абвінавачаныя, а таксама іншыя кіраўнікі і ўдзельнікі гэтай супольнасці вялі прапагандысцкую працу сярод пратэстнай часткі насельніцтва і кансалідавалі людзей, выпрацоўвалі меры ціску на сістэму дзяржкіравання. Таксама яны аказвалі фізічнае і псіхалагічнае ўздзеянне на прадстаўнікоў дзеючай заканадаўчай, выканаўчай і судовай улады праз размяшчэнне ў адкрытым доступе ў інтэрнэце іх асабістых дадзеных, дадзеных членаў іх сем’яў, у тым ліку малалетніх і непаўналетніх дзяцей.

Асобныя ўдзельнікі фарміравання распрацавалі спецыяльную аперацыю «Мабілізацыйны план «Перамога». Яе задума заключалася ў тым, каб аб’яднаць пад іх кіраўніцтвам на ўмовах ананімнасці грамадзян, падзяліць іх на асобныя групы для мінімізацыі рызыкі выкрыцця ўсіх удзельнікаў і зрыву планаванай аперацыі. Кожная група павінна была рэалізаваць задачы па рашэнні і пад кантролем кіраўніцтва ў пэўны момант часу.

Яны ж паўторна выступілі стваральнікамі і кіраўнікамі фарміраванняў «Аб’яднаны пераходны кабінет» і «Паспалітае рушэньне», прызнаных пасля экстрэмісцкімі.

Шэраг абвінавачаных здзейсніў дзеянні, накіраваныя на ўзбуджэнне сацыяльнай варожасці і варожасці па прыкмеце іншай сацыяльнай прыналежнасці, выступіў з абразамі і паклёпам на адрас Прэзідэнта Беларусі і прадстаўнікоў улады ў сувязі з выкананнем імі службовых абавязкаў, а таксама публічнымі заклікамі да грамадзян краіны аб здрадзе дзяржаве і здзяйсненні іншых дзеянняў на шкоду нацыянальнай бяспецы краіны.

Акрамя гэтага, Азараў у 2022 годзе арганізаваў здзяйсненне акта тэрарызму на РУП «Гомельскае аддзяленне Беларускай чыгункі», аказаў іншую дапамогу замежнай арганізацыі ў дзейнасці, накіраванай на прычыненне шкоды нацыянальнай бяспецы Беларусі.

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.