Вы тут

Якасць медыцынскіх паслуг, рэгулярнасць медаглядаў...


Інстытут сацыялогіі Нацыянальнай акадэміі навук Беларусі ў чацвёртым квартале 2023 года вывучыў меркаванне насельніцтва краіны аб сістэме аховы здароўя і аб уласным здароўі. Апытанне было праведзена ва ўсіх абласных цэнтрах Рэспублікі Беларусь, сталіцы, асобных раённых гарадах і сельскіх населеных пунктах. Аб’ём выбарачнай сукупнасці — 901 рэспандэнт (памылка выбаркі ±3,3%). Метад даследавання — тэлефоннае апытанне на аснове камп’ютарызаванай сістэмы CATI ASSO, якая дазваляе адбіраць рэспандэнтаў у любым рэгіёне краіны, пільна кантраляваць ход даследавання і правяраць выніковасць любога званка.


Лад жыцця, харчаванне і псіхаэмацыянальны стан 

Па выніках даследавання, большасць беларусаў (80,5%) сцвярджае, што здароўе залежыць ад абранага чалавекам ладу жыцця. У ролі іншых фактараў, якія ўплываюць на здароўе чалавека, удвая радзей рэспандэнты згадваюць стан навакольнага асяроддзя (45,3%) і спадчыннасць (44,2%). Якасць медыцынскіх паслуг для 38,3% насельніцтва краіны таксама выступае важным аспектам падтрымання стану здароўя.

Клопат аб ім, на думку ўдзельнікаў апытання, праяўляецца, у першую чаргу, у самастойнай арганізацыі рухомага ладу жыцця (48,5%) і ў адносінах да харчавання (44,9%). Таксама насельніцтва краіны адзначае важнасць выканання такіх мерапрыемстваў, як рэгулярнае праходжанне медаглядаў (40,8%), пазбяганне шкодных звычак (40,2%), прыём прэпаратаў, якія павышаюць імунітэт (39,0%). 

Далей ідуць кантроль псіхаэмацыйнага стану (32,2%) і захаванне рэжыму дня (32,0%). Таксама рэспандэнтамі згадваліся заняткі фізкультурай, спортам, гартаванне (31,8%). Пры гэтым 6,3% апытаных прызналіся, што нічога не робяць для клопату аб уласным здароўі.

Размеркаванне адказаў адносна задаволенасці аказаннем медыцынскіх паслуг па месцы жыхарства дэманструе, што большасць беларусаў (67,8%) задаволены іх якасцю. А не задаволены 23,1%.

Лічбавыя паслугі ў медыцынскай сферы

Па дадзеных даследавання больш за палову насельніцтва краіны (60,0%) інфармаваныя аб дзейнасці аўтаматызаванай інфармацыйнай сістэмы «Электронны рэцэпт». Астатнія грамадзяне (39,7%) з ёй не знаёмыя. Не змаглі адказаць 0,3%.

Пошук лекавых прэпаратаў у аптэках з дапамогай сеткі Інтэрнэт выкарыстоўваюць 43,2% насельніцтва. Заказ талона або запіс да ўрача ў анлайн-фармаце прымяняюць на практыцы 35,6% грамадзян. Да звестак, размешчаных на сайце медустаноў, звяртаюцца 15,6 % беларусаў. Карыстаюцца паслугай выкліку ўрача да дому з дапамогай інтэрнэту 7,0 % апытаных. Да анлайн-кансультацый урачоў і заказу дастаўкі лекаў у сетцы інтэрнэт звяртаюцца па 2,9% рэспандэнтаў. Пры гэтым 44,4% удзельнікаў апытання прызналіся, што не карыстаюцца лічбавымі паслугамі ў галіне аховы здароўя.

Вірусныя захворванні і вакцынацыя

Больш беражлівыя і ўважлівыя адносіны да ўласнага здароўя пасля пандэміі СOVID-19 адзначаюць дзве траціны беларусаў (65,7 %). Прызналіся, што пандэмія не паўплывала на іх стаўленне да ўласнага здароўя 31,3% апытаных.

Аб рацыянальным успрыманні самазахавальных паводзін і захаванні нормаў гігіены сведчыць папулярнасць практыкі рэгулярнага мыцця рук і выкарыстання антысептыку, пра што паведамілі 66,4% рэспандэнтаў. 

Падтрыманне імунітэту фізічнай актыўнасцю, вітамінамі і БАДамі лічаць мэтазгодным 51,1% насельніцтва. Каля 50 % апытаных рэгулярна праводзяць вільготную ўборку і праветрыванне памяшканняў. Пазбягаць наведвання грамадскіх месцаў з вялікай колькасцю людзей лічаць эфектыўнай мерай 34,4% рэспандэнтаў. 

Акрамя ахоўных і абмежавальных практык, важнай формай супрацьстаяння вірусным захворванням з’яўляецца вакцынацыя, аб праходжанні якой заявілі 30,7% апытаных. Чвэрць удзельнікаў апытання (25,1%) адзначылі, што імкнуцца радзей выкарыстоўваць грамадскі транспарт. Практыку нашэнне медыцынскіх масак у грамадскіх месцах кожны пяты беларус (20,3%). А кожны дзесяты ўдзельнік апытання паведаміў, што ніякіх ахоўных мер не прадпрымае (10,9%).

Надзея НІКАЛАЕВА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.